Америкада пуқраларниң иҗтимаий алақә чәклимиси 30-апрелға қәдәр узартилди

Мухбиримиз әзиз
2020.03.30

Америка президенти доналд трамп американиң корона вирусиға тақабил туруш тәдбирлиридә иҗтимаий алақә чәклимисиниң 30-апрелға қәдәр узартилғанлиқини елан қилди.

Президент трампниң 29-март ақсарайда чақирған ахбарат йиғинида тәкитлишичә, америкада корона вируси юқуми сәвәблик “әң көп өлүм-йитим кәлгүси 2 һәптә ичидә йүз бериши мумкин” икән. У иҗтимаий алақә чәклимиси кишиләрниң “ғәлибә қилиш йоли” икәнликини тәкитләп: “америкадики юқум әһвали 6-айға қәдәр яхшилиниду,” дегән.

Хитайниң вухән шәһиридә партлиған корона вируси америкаға тарқилип, нөвәттә 140 миңдин артуқ кишиниң юқумлинишини кәлтүрүп чиқарди. Хитайниң вирусқа даир алақидар учурларни йошуруп, униң дуняви юқумға айлинишиға йол ечиши амәрика-хитай арисида қаттиқ сүркилиш пәйда қилған. Нөвәттә америка һөкүмити хитайға қаратқан тәнқидини бир аз юмшатқан болсиму, лекин бәзи мутәхәссисләр хитайниң юқумни суйиистемал қилишиға йол қоймаслиқни тәләп қилмақта.

27-Март күни америкадики “ташқи сиясәт кеңиши” ниң тәтқиқатчиси майкел соболик “дөләт тәқризи” журнилида мақалә елан қилип, хитайниң корона вирусини өз пайдисиға ишлитишигә йол қоюлмаслиқи керәкликини тәкитлигән. Униң көрситишичә, “хитай компартийәси таҗсиман вирусниң юқумида һәм от қойғучи һәм от өчүргүчи ролини ойнимақта” икән. У бу отни хитай компартийәсиниң қойғанлиқи, лекин һазир униң қутқузғучи қияпәткә киривалғанлиқи, лекин “америкалиқлар чоқум бирлишип, компартийәниң қутратқулуқ қилғучи икәнликини ейтиши керәклики” ни билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.