Bayin'gholin oblasti “Ikki yüzlimichiler” we ularning “Arqa tirekliri” ni pash qilish herikiti qozghighan

Muxbirimiz erkin
2019-02-22
Share

Bayin'gholin oblastliq partkomning birliksep bölümi 22‏-féwral uqturush chiqirip, kishilerni, bölgünchilik idiyesidiki diniy zatlar, “Ikki yüzlimichiler” we ularning arqa tireklirini pash qilishqa chaqirghan.

Oblastliq birliksep bölümi yene bu xil kishilerni pash qilidighan mexsus téléfon liniyesi tesis qilghan. Közetküchiler, bayin'gholin oblastliq birliksep bölümining uqturushining “Tordin chüshüp qalghan” diniy zatlar, diniy we milliy ishlar xizmiti sahesidiki Uyghur kadirlarni basturushqa qaritilghanliqini ilgiri sürmekte.

Xitay hökümiti 2017‏-yilning bashliridin bashlap Uyghur rayonida “Ikki yüzlimichilik” ke qarshi turush herikiti qozghighan. Bu herikette minglighan Uyghur kadirliri, ziyaliy, diniy zat we kespiy xadimliri tutqun qilinip, lagér we türmilerge qamalghan. Xitayning bu herikiti kishilik hoquq teshkilatliri teripidin “Medeniyet qirghinchiliqi” dep eyiblen'gen idi.

Bayin'gholin oblastliq birliksep bölümining “Qara küchlerni tazilap, qebih küchlerni yoqitish kürishidiki pash qilish qaniligha da'ir uqturushi” namliq élanida, “Xelqni özige tartip memuri, edliye, ma'arip, pilanliq tughut xizmitige arilashqan, asasiy qatlamning diniy xizmetke kashila peyda qilghan, diniy esebiylik idiyesini tarqatqan, aldida bir xil, arqida bir xil bolghan diniy zatlar, “Ikki yüzlimichiler” we ularning arqa tirekliri” ni pash qilish telep qilin'ghan.

Bayin'gholin oblasti bu herikitini xelq'arada xitayning 800 mingdin 2 milyon'ghiche Uyghur we bashqilarni lagér we türmilerge qamap, ularni kimlikidin waz kéchishke mejburlishi qattiq tenqidke uchrawatqan mezgilde bashlighan. Roytérs agéntliqining 22‏-féwral xewer qilishiche, xitay b d t kishilik hoquq kéngishining yéqinda bashlinidighan pesillik yighinida lagérlar mesilisi seweblik qattiq tenqidke uchrishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet