Ilham toxtining adwokatliqini qilghan li fangping tuyuqsiz tutqun qilindi

Muxbirimiz méhriban
2016-03-01
Share


Twitir qatarliq ijtima'iy alaqe torliri we chet'ellerdiki senyü torining 1 - mart xewer qilishiche, 10 nechche yildin buyan xitaydiki kishilik hoquq pa'aliyetchilirining adwokatliqini qilip kelgen li fangping 1 - mart béyjing xeydiyen rayonluq saqchixanining saqchiri teripidin xeydiyen rayonidiki jungshing binasida tuyuqsiz tutqun qilin'ghan.

Senyü toridiki xewerde déyilishiche, 10 nechche yildin buyan xitaydiki kishilik hoquq aktiplirining adwokatliqini qilip kéliwatqan li fangping, bultur iyulda yüz bergen adwokatlarni tutush herikitide tutqunda soraq qilinip qoyup bérilgendin kéyin üzlüksiz saqchilarning közitish nishani bolup kelgen.

Xewerde yene, li fangpingning tuyuqsiz tutqun qilinishigha uning 26 - féwral béyjing changping sot binasi aldida étip öltürülgen ayal sotchi ma seyyün heqqide hökümet da'iriliri bergen ma seyyün medhiyilen'gen xewerge inkas qayturup, hökümetning ma seyyünning étip öltürülüsh weqesining esli mahiyitini awamgha ashkarilishi kérekliki heqqide ijtima'iy taratqularda élan qilghan inkasi seweb bolghan bolushi mumkinliki tilgha élin'ghan.

Adwokat li fangping 2014 - yili 23 - séntebir xitay hökümiti teripidin muddetsiz qamaqqa höküm qilin'ghan Uyghur ziyaliysi ilham toxtining telipige asasen uning adwokatliqini üstige alghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet