Һиндонезийәдә хитайларниң өлкә башлиқи болушиға қарши кәң көләмлик аммивий намайиш йүз бәргән

Мухбиримиз қутлан
2016-12-03
Share


2-Декабир күни һиндонезийәдә 200 миң киши җакарта мәркизидики чоң мәйданға йиғилип, хитай нәсиллик җуң вәншөниң җакарта өлкисигә өлкә башлиқи болушиға қарши наразилиқ намайиши өткүзгән.

“йәр шари вақит гезити” ниң бу һәқтики хәвиригә қариғанда, бу 11-айниң 4-күнидин буян һиндонезийә хәлқиниң иккинчи қетимлиқ зор көләмлик наразилиқ намайиши икән.

Игилинишичә, җакарта өлкисигә өлкә башлиқи болуп сайланған җуң ваншө 11-айниң башлирида “динни чөкүрүп сөзләш” делосиға четилип, һиндонезийәдики мусулманларниң ғәзипини қозғиған. Һиндонезийәдики ислам тәшкилатлири буниңға қаттиқ наразилиқ билдүрүп, сақчи даирилиридин җуң ваншөни қолға елишни тәләп қилған.

Хәвәрдә дейилишичә, 2-декабирдики чоң намайишқа һиндонезийә дөләтлик сақчи идарисиниң башлиқи, қуруқлуқ, һава вә деңиз армийәсиниң баш қомандани, һиндонезийәниң президенти вә муавин президентиму қатнашқан.

Һиндонезийә дунядики мусулманлар нопуси әң көп болған дөләтләрниң бири болсиму, лекин хитай көчмәнлириниң бу дөләттики иқтисадий күчи интайин зор икән. Көзәткүчиләр, хитайларниң бу әлдә күнсери ешип бериватқан иқтисадий вә сиясий тәсири йәрлик һиндонезийәликләрни әндишигә селиватқан әң чоң амилларниң бири, дәп қаримақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт