Хитай ишлири иҗраийә комитети Intel вә NVIDIA қатарлиқ ширкәтләрдин кишилик һоқуқ дәпсәндичиликигә четишлиқ әһвалларни сориған

2020-12-09
Share

Амәрика һөкүмити вә мәҗлисигә қарайдиған хитай ишлири иҗраийә комитетиниң 8-декабир бәргән баянатиға асасланғанда, хитай ишлири иҗраийә комитети рәиси җеймис мәкговрин вә кеңәш палата әзаси һәм шундақла хитай ишлири иҗраийә комитетиниң муавин рәиси марко рубио айрим айрим һалда нтел ширкити (Intel) вә нивидия ширкити (NVIDIA) ниң баш иҗраийә директориға хәт язған.

Улар хетидә мәзкур ширкәтләрдин хитайға сетип бәргән хитайниң уйғур районидики уйғур, қазақ вә башқа мусулманларни назарәт қилишта ишлитидиған компютерларни илғарлаштурушта қолланған компютер өзәклиригә мунасивәтлик тәпсилий учурларни тәминлишини тәләп қилған.

Рәисләр ширкәтләрниң баш иҗраийә директорлириға уларниң хитайға експорт қилған мәһсулатлири һәққидә соал сориған.

Уларниң соаллири: "ширкәтләрниң техникисиниң хитай сақчилири вә бихәтәрлик орунлириниң назарәт системисини қоллашқа ишлитилидиған-ишлитилмәйдиғанлиқини тәкшүргән-тәкшүрмигәнлики, у мәһсулатлириниң кишилик һоқуқ дәпсәндичиликигә ишлитилмәсликигә капаләтлик қилиш вә американиң дөләт бихәтәрликигә зиян йәткүзүшиниң алдини елиш үчүн тәдбир қолланған-қолланмиғанлиқи" қатарлиқ мәзмунларни өз ичигә алидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт