Xitay ishliri ijra'iye komitéti Intel we NVIDIA qatarliq shirketlerdin kishilik hoquq depsendichilikige chétishliq ehwallarni sorighan

Amerika hökümiti we mejlisige qaraydighan xitay ishliri ijra'iye komitétining 8-dékabir bergen bayanatigha asaslan'ghanda, xitay ishliri ijra'iye komitéti re'isi jéymis mekgowrin we kéngesh palata ezasi hem shundaqla xitay ishliri ijra'iye komitétining mu'awin re'isi marko rubi'o ayrim ayrim halda ntél shirkiti (Intel) we niwidiya shirkiti (NVIDIA) ning bash ijra'iye diréktorigha xet yazghan.

Ular xétide mezkur shirketlerdin xitaygha sétip bergen xitayning Uyghur rayonidiki Uyghur, qazaq we bashqa musulmanlarni nazaret qilishta ishlitidighan kompyutérlarni ilgharlashturushta qollan'ghan kompyutér özeklirige munasiwetlik tepsiliy uchurlarni teminlishini telep qilghan.

Re'isler shirketlerning bash ijra'iye diréktorlirigha ularning xitaygha éksport qilghan mehsulatliri heqqide so'al sorighan.

Ularning so'alliri: “Shirketlerning téxnikisining xitay saqchiliri we bixeterlik orunlirining nazaret sistémisini qollashqa ishlitilidighan-ishlitilmeydighanliqini tekshürgen-tekshürmigenliki, u mehsulatlirining kishilik hoquq depsendichilikige ishlitilmeslikige kapaletlik qilish we amérikaning dölet bixeterlikige ziyan yetküzüshining aldini élish üchün tedbir qollan'ghan-qollanmighanliqi” qatarliq mezmunlarni öz ichige alidiken.