“Intél shirkiti” ning Uyghur diyari heqqidiki bayanatini öchürüwétishi tenqidke uchridi

Muxbirimiz eziz
2022-01-12
Share

Uyghur diyaridiki mejburiy emgek mesilisini chiqish qilghan halda intél (Intel) shirkiti 2021-yili dékabirda özining mal teminlesh zenjiridiki shirketlerning bu xil mejburiy emgek mehsulatlirigha chétilip qalmasliq heqqide ochuq uqturush yollighanidi. Mezkur ochuq uqturush élan qilinip uzun ötmey xitaydiki tor dunyasining kelkündek hujumigha uchrighanliqtin shirket rehberliki mezkur uqturushni bikar qiliwetken. Shuning bilen intil shirkitining bu xil “Yumshaqbash” liq qilmishi xelq'araning keskin tenqidige uchridi.

Melum bolushiche, intil shirkiti xitay tor sahesining hujum tékistliri yéghip ketkenliktin derhal uqturushni éliwetken hemde “Epu soraydighanliqi” ni bildürgen. Emma ularning bu herikiti xelq'arada eyiblendi. Herqaysi axbarat wasitiliri bu heqtiki obzor maqalilirini élan qilip ularning bundaq téz öz mewqesini özgertishini tenqidlidi.

Amérika kéngesh palatasining ezasi, “Uyghur mejburiy emgikini cheklesh qanun layihesi” ni amérika dölet mejliside tonushturghuchilarning biri bolghan marko rubyo özining tor bétide buni eyiblep ochuq bayanat élan qildi. U bayanatta éniq qilip: “Intil shirkitining toxu yürekliki iqtisadiy jehette xitaygha tayinip qélishning aqiwitini roshen namayan qilip berdi. Özini xar qilip epu sorap yürgiche ular shirketni qullar emgiki yaki qirghinchiliq bolmighan bir memliketke yötkep ketsila bolatti” dédi. Shundaqla u xitay kompartiyesini xosh qilish üchün tépirlap yürgen bundaq shirketlerge qerz meblighi bermeslikni teklip qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet