Teywen resmiy halda IPAC qa qoshuldi

“Xitay heqqidiki xelq'ara parlaméntlar birleshmisi” (IPAC) ning tor bétide 30-iyulda élan qilin'ghan bayanatta körsitilishiche, ularning 4-nöwetlik yilliq yighini shu küni teybéy shehiride ghelibilik ayaghlashqan. Bu qétimliq yighin'gha 24 dölettin kelgen 49 siyasiyon qatnashqan bolup, bu, teywenni ziyaret qilghan eng chong parlamént ömiki bolup qalghan.

Yighinda teywenni resmiy halda mezkur birleshmige qobul qilish heqqide qarar élin'ghan, shundaqla mezkur organ mushu arqiliq özlirining teywendiki démokratiyeni himaye qilidighanliqini ipade qilghan. Shuning bilen birge fen yün we chén gawzunini mezkur birleshmining qoshma mu'awin re'islikige saylighan.

Xewerde éytilishiche, bu qétimqi yighin mezgilide teywen pirézidénti ley chingdé we mu'awin pirézidénti shyaw méychin ayrim-ayrim söz qilip “Teywenni we qanun boyiche idare qilish asasidiki xelq'araliq tertipni himaye qilish üchün démokratik künlük hasil qilish zörür” dégen. IPAC Ezaliri bolsa xitay hökümitining bu qétimqi yighin'gha putlikashang peyda qilish we tehdit sélish urunushlirini keskin eyiblep “Xitayning bu xil qorqunch sélishliri bizni heqqaniyetni himaye qilish yolidin qayturalmaydu” dégen.

Melum bolushiche, bu qétimqi IPAC yighinda Uyghurlar mesilisimu xongkong we tibet mesililiri bilen bir qatarda tilgha élin'ghan. Shuningdek xitayning chégra halqighan basturushliri eyiblen'gen.