Иранға қаритилған имбарго бикар қилинди

Мухбиримиз үмидвар
2016-01-18
Елхәт
Пикир
Share
Принт

Шәнбә күни америка вә явропа иттипақиниң иранға қаратқан барлиқ имбарголирини бикар қилғанлиқии елан қилинди. Хәлқара атом енергийә агентлиқи теһранниң өзиниң ядро пиланини тохтитиш һәққидики барлиқ шәртлирини орундиғанлиқини билдүргән иди.

Б б с агентлиқиниң хәвәр қилишичә, америка дөләт ишлири министири җон кәрриниң пикричә, буниң билән иранниң ядро қораллири бәрпа қилиш тәһдиди азайған болуп, у : иран қолланған чариларға асасән америка қошма шитатлири вә явропа иттипақи ядро программисиға бағлиқ барлиқ имбарголарни тохтатти, дегән.

Америка авазиниң хәвәр қилишичә өткән сәйшәнбә күни иран өзиниң арак районидики атом реакторини мурасим өткүзүп бикар қилған иди.

Иранниң ядро пилани сәвәбидин бир қанчә йиллардин буян иран билән америкини өз ичигә алған ғәрб дөләтлири арисида ихтилап давамлашқан вә ғәрб дөләтлири иранға ядро пиланини бикар қилиш һәққидә шәртләрни қойған, вә икки тәрәп арисида көп сөһбәтләр давамлашқан иди.

Ғәрб иранниң ядро пилани сәвәбидин униңға қарита имбарго қолланған болуп, бу, иранниң иқтисадиға еғир тәсир көрсәткән иди.

Иран президенти һәсән роһани иранға қаритилған имбарго бикар қилинғанлиқи елан қилип узун өтмәй қилған сөзидә ғәрбниң имбаргони бикар қилишни юқири баһалап, «иран өзиниң дуня билән болғини мунасивәтлириниң йеңи сәһиписини ачти»дәп баһа бәрди.

Пикирләр (0)
Share
Толуқ бәт