Xitay hökümiti iranda Uyghurlar toghriliq "Pakitliq melumat" tarqatti

Muxbirimiz eziz
2018-07-16
Share

Xitayning istratégiyelik hemkarlashquchiliridin biri, dep qariliwatqan iran islam jumhuriyitide turushluq xitay bash elchisi pang sén yéqinda irandiki eng chong in'glizche gézit bolghan "Téhran waqti" da Uyghurlar diyari toghriliq bir qatar saxta melumat élan qilghan.

Mezkur gézitining 14-iyuldiki sanida élan qilin'ghan bu heqtiki maqalida bash elchi pang sén Uyghurlar diyarining "Bir belwagh bir yol qurulushi" diki muhim orni tüpeylidin irandiki her sahe kishilirining mezkur rayon heqqide "Heqiqiy we toghra bolghan melumatlar" gha ége bolushini közlep bu maqalini élan qilghanliqini bildürgen.

Pang sénning zor hejimlik bu maqaliside Uyghurlar diyaridiki milletler, omumiy nopus, ma'arip, aptonomiyelik hoquq qatarliqlar heqqide bir qatar sanliq melumatlarni bérish arqiliq, Uyghurlarning qandaq "Bextiyar" turmush kechürüwatqanliqi bayan qilin'ghan. Shuningdek bir qatar yalghan melumatlarni bolushiche bazargha salghan. Mesilen, uningdiki "Bu rayondiki pütkül memuriy xadimlarning 51 pirsenti az sanliq milletler", "Herqaysi milletler inaq we dostane yashaydu", "Uyghurlarning diniy étiqadini qanun qattiq himaye qilidu" dégenler ötken mezgillerdin buyan herqaysi axbarat wasitiliri köplep élan qilghan xewer we uchurlar bilen pütünley qarimu-qarshi melumatlar hésablinidu.

D u q ning bayanatchisi dilshat rishit bu heqte pikir qilip, "Xitay da'iriliri mushu xildiki yalghan melumatlarni köplep bazargha sélish arqiliq, xelq'ara jama'etni qaymuqturmaqchi, shu arqiliq Uyghurlarni téximu yétim qaldurmaqchi" dédi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet