Amérika soti özbékistan islam herikiti partiyesining aktip qollighuchisi irfan démirtashqa 7 yilliq qamaq jazasi bergen

Muxbirimiz qutlan
2016-12-24
Share

Yéqinda amérika sotining irfan démirtash isimlik bir kishini "Özbékistan islam herikiti" partiyesining aktip qollighuchisi dégen jinayet bilen 7 yilliq qamaq jazasigha höküm qilghanliqi melum.

Azatliq radiyosining bu heqtiki xewirige qarighanda, irfan démirtashning sot hökümi 20-dékabir küni chiqirilghan iken. Sot hökümide uning 2006-yilidin 2008-yilighiche bolghan ariliqta pakistan, afghanistan, türkiye, i'ordaniye, gollandiye, fransiye we bashqa ellerde özbékistan islam herikiti partiyesi üchün i'ane toplash herikiti bilen shoghullan'ghanliqi ilgiri sürülgen.

Türkiye bilen gollandiyening qosh wetendishi bolghan irfan démirtash ötken yili gérmaniyede qolgha élin'ghan bolup, uzun ötmey uni amérigha ötküzüp bergen. Amérika soti démirtashning jaza mudditi toshqandin kéyin uni chégradin chiqiriwétidighanliqini bildürgen. Amérika soti yene irfan démirtashning qalghan 62 ayliq jaza mudditini fransiye türmiside öteydighanliqini bildürgen.

Melum bolushiche, özbékistan islam herikiti partiyesi 1991-yili qurulghan bolup, uning küresh nishani özbékistan hökümitini aghdurup tashlap sheri'e qanuni boyiche dölet bashquridighan bir islam döliti qurush iken. Özbékistan islam herikiti partiyesi özbékistan we pakistanlarda bir qatar quralliq heriketlerni élip barghan bolup, 2001-yili séntebirdin bashlap xelq'aradiki "Térrorluq teshkilatlar" tizimige kirgüzülgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet