Ирқий қирғинчилиқ йүргүзгән "босинийәлик җаллат" ниң әрзи рәт қилинған

Мухбиримиз җәвлан
2021-06-09
Share

"муһапизәтчи" гезитиниң 8-июн хәвәр қилишичә, босинийәлик һәрбий қомандан ратко миладикниң ирқий қирғинчилиқ җинайитини ағдуруш үчүн сунған наразилиқ әрзи рәт қилинған. Нәҗидә, "җаллат" дәп аталған 78 яшлиқ миладикниң ахирқи өмри әмди түрмидә өтидикән. Бирләшкән дөләтләр тәшкилати хәлқара соти униң ирқий қирғинчилиқ вә инсанийәткә қарши җинайәт өткүзгәнликигә қайта һөкүм қилған.

Бу һөкүм елан қилинип узун өтмәйла америка президенти җов байден буниңдин мәмнун болғанлиқини билдүрүп: "тарихий характерлик бу һөкүм шуни билдүридуки, қорқунчлуқ җинайәт өткүзгән адәмниң җавабкарлиқи чоқум сүрүштүрүлиду. Бу һөкүм йәнә бизниң дуняниң һәр қандақ йеридә бундақ қәбиһ зораванлиқниң йүз беришиниң алдини елиш җәһәттики ортақ ирадимизни күчәйтиду" дегән.

Әнглийә ташқи ишлар министири доминик рабму ипадә билдүрүп: "бу һөкүм қорқунчлуқ хәлқара җинайәтләр җазаға тартилмаслиқтәк әһвалға хатимә беришкә пайдилиқ" дегән.

Ратко миладик вә униң сабиқ рәһбири, босинийәлик серблардин болған президент радован карадзикниң һәр иккиси өмүрлүк қамақ җазасиға һөкүм қилинған болуп, улар 90-йилларда сабиқ йүгүславийә парчиланғандин кейин ички уруш қозғап, босинийәлик мусулманларға ирқий қирғинчилиқ йүргүзүшни пиланлиғаникән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт