Méihray mézénsof: “Eger bizning irqiy qirghinchiliqqa uchrishimiz saxta bolsa, méning érim qeyerde?”

Bu yil 4-ayda xitay hökümiti teripidin 25 yilliq qamaqqa höküm qilin'ghan mirzat tahirning awstraliyelik ayali méhray mézénsof en'gliye “Sky Xewerliri” qanilining ziyaritini qobul qilip, xitay da'iriliridin yoldishining iz-dérikini bérishni telep qilghan.

U “Men peqet yoldishimning hayat ikenliki, uning qandaqla bolsa yaxshi turghanliqini bilgüm …. . . Uning awazini anglighum bar” dégen. Uning éytishiche, uning birdin-bir gunahi uning “Uyghur bolup qalghanliqi” iken.

Mirzat tahir bilen méhray mézénsof 2016-yili ürümchide toy qilghan bolup, u tunji qétim 2017-yili 4-‍ayda tutqun qilin'ghan we uning ‍ötken yili 9-ayda 3-qétim qayta tutqun qilinip, bu yil 4-ayda 25 yilliq késilgenliki melum bolghan. “Sikay( Sky) xewerliri” ning éytishiche, mirzat tahir 2014-we 2015-yili türkiyege barghanliqi üchün “Bölgünchilik” bilen eyiblinip késilgen.

Méihray mézénsof özlirining héchqandaq siyasiy muddi'asi yoqluqi, yoldishining bundaq eyiblinishining “Exmiqanilik” ikenlikini bildürgen. “Sikay xewerliri” ning éytishiche, en'gliye parlamént ezasi sir iyan dunkan simis buninggha inkas bildürüp, sana'etleshken 7 dölet rehberlirini téz heriketke ötüshke chaqirghan. U: “En'gliye xitayning Uyghur we bashqa az sanliq millet ammisini xorlishigha‚emdi köz yumalmaydighanliqini‛, en'gliye we bashqa gherb döletlirini xitay bilen “Qandaq soda qilishni qayta oylishishi kérekliki” ni bildürgen.