Yü mawchün: amérika tashqi ishlar ministirliqi xitayning irqiy qirghinchiliq sadir qilghan-qilmighanliqini oylishiwatidu

Muxbirimiz erkin
2020-11-13
Share

Amérika tashqi ishlar ministiri mayk pompéyoning xitay ishliri meslihetchisi yü mawchün, tashqi ishlar ministirliqining xitayning Uyghurlargha qarita irqiy qirghinchiliq sadir qilghan-qilmighanliqini oylishiwatqanliqini bildürgen. Uning tekitlishiche, nöwette amérika hökümet organliri buning qanuni chek-chégrisi we delillirini közdin kechürmektiken. Yü mawchün, irqiy qirghinchiliqning xelq'ara ölchimi, qattiq qanuni éniqlimisi barliqini bildürgen.

U bu sözlerni 12-noyabir erkin asiya radi'osi xitay bölümining mexsus ziyaritini qobul qilghanda qilghan. Yü mawchün tramp hökümitining xitaygha qaratqan siyasitidiki halqiliq shexslerning biri, dep qarilip kelgenidi. Uning tekitlishiche, xitay hökümiti Uyghurlargha zerbe bérishte térrorluqni bahane qilghan bolup, uning zerbe bérish nishani aldi bilen Uyghur serxillirige qaritilghaniken.

U 2009-yili yüz bergen 5-iyul "Ürümchi weqesi" heqqide toxtilip, bu weqening térrorluq bilen bek chong baghlinishi yoqluqi, bu weqeni xitayning köchmenler siyasiti, mejburi bala chüshürüsh, islam dinini qattiq kontrol qilishi keltürüp chiqarghanliqini bildürgen.

Uning tekitlishiche, öz waqtida amérika xitayni térrorluqqa qarshi turush sépige teklip qilghan bolup, xitay buningdin paydilinip, Uyghurlarni basturushni kücheytken iken. U: "Bu nuqtini amérika hökümiti téximu éniq tonup yetti" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet