Америка университетлирида хитайниң уйғурларға йүргүзиватқан ирқий қирғинчилиқиға қарши һәрикәт қозғалған

Мухбиримиз ирадә
2021-11-25
Share

Америкадики нопузлуқ университетларниң бири болған америка католик университети оқуғучилар мәҗлиси бу йил 10-айда бир қарар мақуллап, мәктәп даирилирини уйғурларға йүргүзүлүватқан зулумға четишлиқ барлиқ мәбләғ түрлирини әмәлдин қалдурушқа чақирған иди. Мәлум болушичә, университет даирилири оқуғучиларниң тәлипини йәрдә қоймиған.

"вашингтон почитси" гезитиниң даңлиқ истон язғучиси җош рогин 24-ноябир күни елан қилған бу һәқтики мақалисигә қариғанда, католик университетиниң мәсуллири оқуғучиларниң тәлипигә асасән мустәқил иқтисадий тәптиш яллап университетниң барлиқ мәбләғлирини тәкшүрүшни һавалә қилған.

Юқириқи бу қарарни оттуриға қойған оқуғучилар мәҗлисиниң әзаси гералд шарп җош рогинға қилған сөзидә "барлиқ университетлар бундақ вәһшийликкә четилип қелиштин өзини тартиши керәк. Мәнчә бу усулниң һәқиқәтән үнүми болиду. Бу пәқәт бир башлиниш," дегән.

Мәлум болушичә католик университети оқуғучилири һазир оқуғучилар башқурушида қурулған вә пайда алмайдиған тәшкилат болған афена иниститути билән бирлишип, өзлири башлиған бу һәрикәтни барлиқ университетларға йейиш, уларниңму хитай һөкүмитиниң уйғурларға қаритиватқан зулумини әйибләш вә уни тохтитишта һәрикәт қоллиниши үчүн паалийәтлирини башливәткән икән.

"вашингтон почтиси" гезитидә ейтилишичә, бейҗиң қишлиқ олимпики өткүзүлүшкә санақлиқ күнләр қалған, байдин һөкүмити, дуня җамаәтчилики вә сода дуняси хитайниң уйғурларға йүргүзиватқан ирқий қирғинчилиқини тохтитиш үчүн хитайға қарши йетәрлик тәдбир қолланмайватқан бир мәзгилдә алий мәктәп оқуғучилириниң бундақ бир ишни башлиши, интайин әһмийәтлик икән. Бу усул 1977-йили массачусетстики хамшир университети тәрипидин җәнубий африқадики ирқий айримичилиқ йүргүзиватқан һакимийәткә қарши елип берилған һәрикәттә наһайити зор утуқ қазанған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт