Өзбекистан президентиниң туюқсиз дохтурханида йетип қалғанлиқи билдүрүлди

Өзбекистан президенти ислам кәримоф йеқинда дохтурханида йетип қалған болуп, бу һәқтә өзбекистан һөкүмити рәсмий баянат тарқитип, президент кәримофниң саламәтлик әһвалиниң бир мәзгил мәхсус тәкшүрүлүп, давалаш елип берилидиғанлиқини билдүргән.

Пәрғанә ториниң хәвәр қилишичә адәттә өзбекистанда президентиниң дохтурханида давалинидиғанлиқи вә саламәтлик әһвали һәққидә мәхсус баянат берилмәйдиған болуп, бу қетимқи һөкүмәт баянати кишиләрдә һәр хил гуманларни пәйда қилған. Кишиләр арисида униң җиддий йүрәк тиқилмисиға дуч кәлгәнликигә аит сөзләр тарқалған.

Ислам кәримоф 1989 - йилидин етибарән өзбекистанни идарә қиливатқан болуп, у әйни вақитта өзбекистан компартийисиниң биринчи секретари иди. У, сабиқ совет иттипақиниң оттура асия җумһурийәтлирини изчил идарә қиливатқан рәһбәрлиридин биридур, әлвәттә қазақистан президенти нурсултан назарбайефму сабиқ совет қазақистан җумһурийити рәһбири иди.

2002 - Йили, өзбекистан қануниға өзгәртиш киргүзүлүп, президентлиқ мөһлити йәттә йилға өзгәртилгән иди.

Ислам кәримоф 1938 - йили туғулған болуп, бу йил 78 яшқа киргән.