Хитайниң уйғур елидә йәнә бир түркүм исламий исимларни чәклигән

Радиомизниң егилишичә, хитайниң уйғур елидә йәнә бир түркүм исламий исимларни чәклигәнлики мәлум.

Даириләр илгири хотәндә бир қисим исламий исимларни чәклигән иди. Мәлум болушичә, бу нөвәтлик чәкләш пүтүн район миқясида йолға қоюлған.

Радиомизниң зияритини қобул қилған үрүмчидики бир нопус башқуруш ишханисиниң сақчи хадими бу қетим чәкләнгән исимлар ичидә “ислам”, “қуран”, “җиһад”, “мәккә”, “имам”,“садам”, “һаҗи” вә “мәнидә” дегән исимларниң барлиқини дәлиллиди.

У йәнә, буларниң хитай коммунист партийәсиниң “аз санлиқ милләтләрниң исимлирини қелиплаштур мизани” бойичә чәкләнгәнлики билдүрди.

У мундақ деди:“қоюқ диний пурақтики исимларни қоялмайсиз. Мәсилән ‛җиһад‚ дегәнгә охшаш исимларни.”

У йәнә, даириләрниң нопус бөлүмидики хадимларни бу һәқтә тәрбийилигәнликини билдүрди.

2015-Йили хотәнниң тохула кәнти тарқатқан чәкләнгән исимлар тизимликигә юқирида көрситилгән бир қисим исимларни өз ичигә алған “сәйпидин”, “пәхирдин”, “әрәфат” “нәсрулла”, “муслимә”, “мухлисә”, “мунисә”, “хәдичә” қатарлиқ 22 хил исим киргүзүлгән иди.

Хитай даирилири 1-апрелдин башлап йолға қоюшқа башлиған “әсәбийликни түгитиш низами” диму “исим таллаш арқилиқ диний әсәбийликини тәрғиб қилиш чәклиниду” дәп көрсәткән иди.