Mayik pompéyo: "Isra'iliye xitay kompartiyesini küchlendüridighan herqandaq heriketni toxtitishi kérek"

Muxbirimiz nur'iman
2020-05-14
Élxet
Pikir
Share
Print

"Washin'gton közetküchisi" (Washington Examiner) gézitining 13-may bergen xewirige asaslan'ghanda, amérika tashqi ishlar ministiri mayik pompéyo isra'iliye ziyaritide isra'iliye rehberlirige siyasiy agahlandurush bérip, "Isra'iliye xitay kompartiyesini küchlendüridighan herqandaq türlerdiki hemkarliqni toxtitishi kérek", dédi.

Pompéyo xitayning yersharidiki tajsiman wirusning tarqilishining kélip chiqishigha a'it uchurlarni yoshurushi peqet béyjingning dunyagha qilghan tehditining "Muz taghning körün'gen uchi" ikenlikini tekitlidi. U yene xitay axbarat orunlirining amérikaning eqliy-mülkidin nechche yüz milyon dollar oghrilaydighanliqini, jenubiy déngizda yaponiyeni tinch qoymaywatqanliqini eskertti.

U yene munularni bildürgen: "Xitay dunyaning herqaysi jaylirida iqtisadiy we siyasiy menpe'eti üchün kichik döletlerni bozek qilmaqta. Uyghurlar, xongkongluqlargha qilghan mu'amilisidin shuni körüwélishqa boliduki, biz xitayning hökümranliq ornining küchiyishidin saqlinishimiz kérek".

Démek, mayk pompéyo bu qétim özining isra'iliye ziyaritide qilghan sözidimu xitayning Uyghurlargha tutqan teqiblesh siyasitini tilgha alghanidi.

Pompéyo yene mundaq dégen: "Isra'iliye amérikaning eng yéqin ittipaqdashlirining biri. Emma ittipaqdashliq, mes'uliyettin kélidu, isra'iliyening bizning eng chong reqibimiz bilen munasiwet qilishtin saqlinishi heqqidiki telipimiz artuqche bolmisa kérek".


Toluq bet