Istanbul hujumchisining salahiyiti éniqlandi

Muxbirimiz méhriban
2016-03-21
Share

Türkiye da'iriliri 19 - mart shenbe küni istanbulning istiqlal kochisida yüz bergen özini qoshup partlitish hujumidiki térrorchining da'ishning ezasi ikenlikini élan qildi.

Türkiye ichki ishlar ministiri efkan ela muxbirlargha bergen bayanatida "Weqe sadir qilghuchining salahiyiti békitildi, mehmet öztürk, 1992 - yili toghulghan, türkiyening ghazi'antep wilayitidin bolup, da'ish bilen alaqisi bar, lékin türkiye saqchilirining qolgha élish tizimlikide yoq" 'dégen.

19 - Mart chüshtin burun istanbul shehirining awat soda rayonliridin bolghan istiqlal kochisida partlash yüz bérip, adem bombini öz ichige alghan 5 kishi hayatidin ayrilip, 36 kishi yarilan'ghan. Mezkur hujum enqerede yüz bergen bomba hujumidin bir hepte kéyin yüz bergen. Eyni chaghda enqerede yüz bergen hujumda 37 adem ölgen bolup, hujumni türkiyediki térrorchi guruh PKK yeni "Kurdistan ishchilar partiyesi" ge tewe "Kurdistan azadliq shungqarliri" dep atilidighan bir teshkilat üstige alghanliqi xewer qilin'ghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet