Istanbulning taksim meydanida adembomba hujum yüz berdi

Muxbirimiz jüme
2016-03-20
Share


19 - Mart türkiye istanbul shehirining taksim meydani istiqlal kochisida adembomba hujum yüz berdi. Türkiye sehiye ministirining bildürüshiche, hujumda az dégende 4 adem öldi, 36 adem yarilandi.

Ministir mehmet mu'ezzin'oghluning axbaratqa bildürüshiche, yarilan'ghanlarning arisidiki 7 neper yaridarning ehwali bir qeder éghir.

Mundaq dédi: "Bu qatillar insaniyetni qetli qiliwatidu. Men insaniyet qatillirini qattiq eyibleymen."

Hujumda qaza qilghanlarning iran we isra'iliye puqraliri ikenliki, yaridarlarning 12 nepiriningmu bashqa döletlerdin kelgen sayahetchiler ikenlikini ilgiri sürülmekte.

Xewerlerge qarighanda, hujum shu jay waqti etigen sa'et 11 da yüz bergen.

Mezkur hujum 13 - mat enqerede yüz bergen bomba hujumidin bir hepte kéyin yüz berdi.

Enqerede yüz bergen hujumda 37 adem ölgen bolup, hujumni türkiyediki térrorchi guruhPKK yeni "Kurdistan ishchilar partiyesi" ge tewe "Kurdistan azadliq shungqarliri" dep atilidighan bir teshkilat üstige alghan.

Emma, shenbe küni istanbulda yüz bergen hujumda hazirghiche héchkim qoli barliqini jakarlimidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet