Istanbul atatürk ayrodrom hujumchilirigha da'ir bezi tepsilatlar ashkarilandi

Muxbirimiz méhriban
2016.06.30
Share on WhatsApp
Share on WhatsApp

Türkiye taratquliri, 28-iyun istanbul ata türk ayrodrom hujumchilirigha da'ir bezi tepsilatlarni ashkarilidi.

Türkiye “Xewer türk” hemde “Istiqlal ” torlirining xewer qilishiche, tajik yaki chéchen ikenliki ilgiri sürülgen üch kishi 32 kün ilgiri istanbulgha kélip, istanbulning fatih rayonida rusiye pasportini körsitip, bir yilliq toxtam bilen öy ijarige alghan. Weqe yüz bergen küni ücheylen bir taksigha olturup ayrodromgha kelgen.

Taksi shopuri ularning éniqla chet'ellik ikenlikini, chichen yaki kafkaz rayonidin kelgenler ikenlikini bildürgen. Taksi shopurining yene bildürüshiche, u üch kishi iptar waqtigha yéqin takisini tosqan, chiqqandin kéyin türkche peqet “Atatürk ayrodromi” dégen söznila qilghan. Ularning qolida bir chong, ikki kichik chamadan bar bolup, bashqa bir tilda parangliship mangghan. Shopur ularda héchqandaq hayajan yaki bashqiche ehwal bayqimighan, yénida qoral barliqinimu bilelmigen. Ular ayrodromning xelq'araliq yoluchilar kélish binasining aldida taksi kirasini bérip chüshüp ketken. Bu yerde saqlashqa bolmaydighanliqi üchün, shopur tézla ayrilghan. U ayrodromdin ayrilip bir azdin kéyin partlash bolghanliqini we özining ölümdin qaytqanliqini bilgen.

Türkiye taratqulirining 30-iyundiki xewerliridin melum bolushiche, nöwette saqchilar istanbul ayrodromidiki partlashta gumanliq dep qarighanlarni tutqun qilish herikitini bashlighan bolup, amérika awazining türkiye taratquliridin neqil élip bergen xewiride, saqchilarning 16 nuqtida axturush élip bérip, 13 ademni tutqanliqi tilgha élin'ghan. 30-Iyundiki eng yéngi uchurlardin melum bolushiche, partlitish hujumida 43 adem hayatidin ayrilghan, 230 din artuq adem yarilan'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.