Qirghizistan: istanbul hujumchisini qirghiz dep xulase chiqirishqa baldurluq qilidu

Muxbirimiz erkin
2016-07-01
Share

Türkiye hökümiti peyshenbe küni istanbul atatürk xelq'ara ayrodromigha hujum qilghan hujumchilarning birining rusiyelik, birining özbék, birining qirghiz ikenlikini élan qilghan. Emma qirghizistan, hujumchilarning birini qirghiz, dep höküm qilish hazirche baldurluq qilidighanliqini bildürgen.

Qirghizistanning türkiyede turushluq diplomatlirining ilgiri sürüshiche, DNA netijisi chiqishigha yene 5-6 kün kétidiken.

Seyshenbe küni yüz bergen hujumda 44 adem ölgen, 200 din artuq adem yarilan'ghan, ölgenlerning ichide bir Uyghur yash bala bar idi. Térrorchi guruh-da'ish hazirgha qeder hujumni ashkara üstige almighan bolsimu, emma türkiye hökümiti hujumda da'ishning qoli barliqini ilgiri sürdi.

Türk amanliq organlirining bildürüshiche, peyshenbe küni türkiyening memliket miqyasida aqturush élip bérilip, 13 gumandar qolgha élin'ghan, qolgha élin'ghanlarning 3 nepiri chet'ellikken.

Türk hökümitining hujumni qirghiz, özbék we rusiyelik da'ishchilarning élip barghanliqini élan qilishi bilen xelq'ara axbaratning diqqiti da'ishning terkibidiki ottura asiyaliq jihadchilargha buraldi.

"Nyu-york waqti" gézitining ilgiri sürüshiche, xelq'ara krizis guruppisi qazaqistan, qirghizistan, tajikistan, türkmenistan we özbékistanliq jihadchilarning sani 4 minggha yétidighanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet