Italiye edliye da'iriliri xitay puqralirini pul yuyush bilen eyibleydighanliqini bildürdi

Muxbirimiz ümidwar
2015-06-21
Élxet
Pikir
Share
Print


Italiye teptish xadimliri italiyening milan shehiridiki xitay bankisining shöbisi we texminen 300 neper xitay puqrasini pul yuyush bilen eyibleydighanliqini bildürdi.

B b s agéntliqining xewer qilishiche, mezkur xitay puqralirining qanunsiz yosunda texminen 5 milyard 100 milyon amérika dollirini italiyedin xitaygha yötkigenliki ilgiri sürülgen. Italiye eyibligüchi emeldari bu pullarning saqtiliq, bajdin qéchish we ishchilarni ékispilatatsiye qilish yolliri bilen qolgha keltürülgenlikini bildürgen.

Bir neper sotchi xitay bankisi we 297 neper adem üstidin sot échilishi mumkinlikini bildürgen. Emma hazirghiche xitay bankisi we xitay hökümiti italiye terepke qarita héchqandaq inkas qayturmighan.

B b s ning xewiride éytilishiche, italiye eyibligüchiliri italiyediki xitay köchmen ishchilirining xizmet shara'iti mesilisigimu diqqet qilip, 2013 - yili 12 - ayda yüz bergen bir tikküchilik fabrikisidiki ot apitide 7 ademning ölüshi kélip chiqqanliqini bildürgen hemde bezi xitaylar achqan zawutning teshkillik jinayet déloliri bilen munasiwetlik ikenlikini bildürgen.

Toluq bet