Италийә баш министири хитайға техника өтүнүп беришкә қарши чиққан

Италийә баш министири марийо драги (Mario Draghi) ясаш санаитидә ишлитилидиған машина адәмләргә аит техника вә юмшақ детални хитайға өтүнүп беришкә қарши чиққан.

Ройтрес агентлиқиниң 7-июн бу һәқтә бәргән хәвиридә ейтилишичә, хитай тәрәп италийәниң машина адәм ясайдиған робокс (Robox), ефорт (Efort) қатарлиқ ширкәтлиригә мәбләғ селип, уларниң ишчилардәк ишләйдиған машина адәмләрни ясаш техникиси вә юмшақ детал кодлирини сетивалмақчи болған. Нәтиҗидә бу ширкәтләрниң пай чәклири 40 пирсәнттин 49 пирсәнткә өскән.

Әмма марийо драги һөкүмити робокс ширкитиниң бу техникини хитайға өтүнүп беришигә йол қоймиған. Бу һөкүмәт 2018-йилиму хитайға адәмсиз айропилан ясаш техникиси сетип бәрмәкчи болған бир ширкәтниң пиланини йоққа чиқарған. 2012-Йилдин буян италийә күчлүк дөләтләрниң хәтәрлик мәблиғини 7 қетим қайтурған, 6 қетимлиқ рәт қилиш ичидә 5 қетимлиқи хитай билән мунасивәтлик болған вә буларниң һәммиси марийо драги һөкүмити дәвридә әмәлгә ашқан.

Италийә һөкүмити банка, енергийә, почта-телеграф, давалаш қатарлиқ риқабәт характеридики кәспиләрни контрол қилиш һоқуқини сақлап қалған болуп, дөләт мәнпәәтигә хирис елип келидиған хәтәрлик содини чәкләйдикән. Марийо драгиниң машина адәм техникисини хитайға бериштин еһтият қилиши хитайниң техника оғрилиқи вә район тәһдити пәйда қилиши билән мунасивәтлик дәп қаралмақта икән.