Xitay hökümiti "Jasusluqqa qarshi xewpsizlik ishliri nizami" ni élan qildi

Muxbirimiz eziz
2021-04-26
Share

Xitay hökümiti yéqinda "Jasusluqqa qarshi xewpsizlik ishliri nizami" ni élan qilip, mezkur nizamning 26-apréldin bashlap ijra qilinidighanliqini jakarlidi.

Xitay hökümiti bashqurushidiki shinxu'a agéntliqining 26-apréldiki xewiride éytilishiche, dölet bixeterlik organliri idarilerning xaraktéri, mexpiyetlik derijisi qatarliq amillar asasida herqaysi idare-organlarning öz mexpiyetlikini qet'iy saqlishi, jasusluqqa yatidighan barliq qilmishlargha qanun boyiche zerbe bérishi, shundaqla bu jehette yüksek mes'uliyetni üstige élishi lazim iken.

Ötken mezgillerde Uyghur diyaridiki bir qisim idare organlirining lagérlar mesilisi, mejburiy emgek, pilanliq tughut qatarliq sahelerge chétilidighan barliq uchurlarni "Dölet mexpiyiti" qatarida bir yaqliq qiliwatqanliqi melum bolghan idi. Yene kélip chet'ellerdiki mutexessislerning Uyghur diyaridiki siyasiy basturushqa munasiwetlik köpligen emgekliri xitay hökümitige qarashliq herqaysi idariler élan qilghan höjjetlerni menbe qilghanidi. Emdilikte bu yéngi nizamning élan qilinishini bolsa bir qisim analizchilar xitay hökümitining barliq uchurlarni téximu qattiq kontrol qilish, shu arqiliq dölet organlirining xizmet tereqqiyatini téximu mexpiy tutush urunushining ipadisi, dep qarimaqtiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet