21 Neper ayal amérikaning 2021-yilliq "Xelq'ara jesur ayallar mukapati" gha layiq körüldi

Muxbirimiz erkin
2021-03-08
Share

Amérika tashqi ishlar ministirliqi 8-mart xelqara ayallar bayrimi küni murasim ötküzüp, xitay, bélarusiye, iran, türkiye afghanistan, somali qatarliq döletlerdin 21 neper ayalni amérikining 2021-yilliq "Xelq'ara jesur ayallar mukapati" bilen mukapatlidi. Ötken yili mezkur mukapat qazaq lagér shahiti sayragul sa'utbaygha bérilgen. U xitay lagérliridiki kishilik hoquq depsendichiliklirini pash qilish jehette körsetken jesurane ipadisi tüpeyli bu mukapatqa layiq körülgen idi.

Bu yil xitaydin ataqliq kishilik hoquq adwokati wang yu bu mukapatqa layiq körülgen. Melum bolushiche, u ataqliq Uyghur ziyalisi ilham toxtini öz ichige alghan "Nurghun nazuk siyasi délolarni qobul qilip, pa'aliyetchiler, ziyaliylar, falun'gongchilar, déhqanlar we ayallar-balilar hoquqi, diniy hoquq, ipade erkinliki, yighilish we teshkillinish erkinlikige alaqidar nurghun délolarning adwukatliqini qilghaniken".

Torda ötküzülgen murasmigha prézidént baydénning xanimi jil baydén qatniship soz qilghan. Murasimgha tashqi ishlar ministiri blinkén riyasetchilik qilghan. Blinkénning bildürüshiche, xitayda nezerbent astida turiwatqan wang yu murasimgha tordin bolsimu qatnishalmighan. Blinkén, yéqinqi 2 kündin béri uning bilen bolghan normal alaqisining üzülüp qalghanliqi, uning ehwalini közitidighanliqini bildürgen. Bu yilliq "Jesur ayal mukapati" gha layiq korulgenler afghanistanda jama'et xizmiti bilen shughullinip öltürülgen 7 neper afghan ayalnimu öz ichige alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet