Җов байдин америка мудапийә министирлиқида хитай ишлири бойичә йеңи хизмәт гурупписи қурулғанлиқини җакарлиди

Мухбиримиз ирадә
2021.02.11
Share on WhatsApp
Share on WhatsApp

Америка президенти җов байдин америка армийәсиниң хитай истратегийәсини бәлгиләп чиқиш үчүн америка мудапийә министирлиқида йеңи хизмәт гурупписи қурулғанлиқини җакарлиған.

Җов байден чаршәнбә күни америка мудапийә министирлиқидики тунҗи зияритидә қилған сөзидә “мана бу бизниң хитай тәһдитигә тақабил туруш вә америка хәлқиниң бу риқабәттә ғәлибә қилишиға капаләтлик қилиш йолимиз,” дәп көрсәткән.

“CNBC” ториниң хәвәр қилишичә, америка мудапийә министирлиқида қурулған бу йеңи хизмәт гурупписи тәхминән 15 мутәхәссистин тәркиб тапқан болуп, улар американиң йеңи дөләт мудапиә министири лойд астинға хитайға мунасивәтлик ишлар тоғрисида тәклип беришкә мәсул болидикән. Бу йеңи байқаш вә тәвсийә доклати төт ай ичидә тәйярлинип болуши керәккән.

Кишилик һоқуқ вә тиҗарәттики зиддийәтләр түпәйлидин йирикләшкән икки дөләт мунасивәтлири хитайниң таҗисиман вирус юқумини йошуруши вә уни америка әскәрлиригә артмақчи болуши билән техиму кәскинләшкән. Сабиқ трамп һөкүмити хитайни америкаға әң зор тәһдит, дәп көрсәткән.

Президент җов байдин болса хитай-америка мунасивәтлирини сүпәтлигәндә “америка хитай билән интайин кәскин бир риқабәткә тәйяр” дәп өзиниң хитайға тақабил туруш усулиниң сабиқ президет трамптин пәрқлиқ болидиғанлиқини тәкитлигән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт