Jow baydin amérika mudapiye ministirliqida xitay ishliri boyiche yéngi xizmet guruppisi qurulghanliqini jakarlidi
2021.02.11
Amérika prézidénti jow baydin amérika armiyesining xitay istratégiyesini belgilep chiqish üchün amérika mudapiye ministirliqida yéngi xizmet guruppisi qurulghanliqini jakarlighan.
Jow baydén charshenbe küni amérika mudapiye ministirliqidiki tunji ziyaritide qilghan sözide “Mana bu bizning xitay tehditige taqabil turush we amérika xelqining bu riqabette ghelibe qilishigha kapaletlik qilish yolimiz,” dep körsetken.
“CNBC” torining xewer qilishiche, amérika mudapiye ministirliqida qurulghan bu yéngi xizmet guruppisi texminen 15 mutexessistin terkib tapqan bolup, ular amérikaning yéngi dölet mudapi'e ministiri loyd astin'gha xitaygha munasiwetlik ishlar toghrisida teklip bérishke mes'ul bolidiken. Bu yéngi bayqash we tewsiye doklati töt ay ichide teyyarlinip bolushi kérekken.
Kishilik hoquq we tijarettiki ziddiyetler tüpeylidin yirikleshken ikki dölet munasiwetliri xitayning tajisiman wirus yuqumini yoshurushi we uni amérika eskerlirige artmaqchi bolushi bilen téximu keskinleshken. Sabiq tramp hökümiti xitayni amérikagha eng zor tehdit, dep körsetken.
Prézidént jow baydin bolsa xitay-amérika munasiwetlirini süpetligende “Amérika xitay bilen intayin keskin bir riqabetke teyyar” dep özining xitaygha taqabil turush usulining sabiq prézidét tramptin perqliq bolidighanliqini tekitligen idi.