Җов байден хитай билән болидиған содида мал тәминләш линийәсини "зәрбидар күч" қилмақчи болған

Мухбиримиз җәвлан
2021-06-09
Share

Ройтрес агентлиқиниң хәвәр қилишичә, байдин һөкүмити 8-июн күни мал тәминләш линийәсини йеңи "зәрбидар күч" қилип, хитайниң тәңсиз содисиға зәрбә бәрмәкчи болғанлиқини билдүргән. Бу һөкүмәт йерим өткүзгүчтин тартип еликтерлиқ машина батарийәсигичә болған муһим мәһсулатларға баһалаш елип барған.

Америка сода вәкиллири башчилиқидики мал тәминләш линйәси зәрбидар күчи хитайниң мәһсулатлиридики зораванлиққа четишлиқ мәсилиләрни издәватқан болуп, чегра беҗини өстүрүш яки төләм елиш арқилиқ уни һәл қилишни ойлишишқа болидикән.

Президент җов байден бу йил 2-айда муһим мәһсулатларниң мал тәминләш линийәсини тәкшүрүшни буйруған болуп, иҗраийә органлириниң америка үчүн хәтәрлик болған муһим мәһсулатларни 100 күн ичидә тәкшүрүп баһалап, доклат қилишини тәләп қилған. Бу қетимқи тәкшүрүш вә баһалаш байден һөкүмитиниң омумий истратегийәсиниң бир қисми болуп, гәрчә мәхсус хитайға қаритилмиған болсиму, әмма хитайға қарши риқабәт күчини ашурушта муһим рол ойнайдикән.

Байден һөкүмитиниң иқтисад мәслиһәтчиси җерд бернистен мундақ дегән: "биз мал тәминләш линийәсиниң арқисидики мал йөткәш һәрикитини игиләшкә тиришиватимиз. Буни беҗиришниң әң яхши усули шу кәсипниң ичидики адәмләр билән алақә қилиш, биз һазир мушу ишларни қиливатимиз".

Байден һөкүмити буйруқ чүшүрүп бир йил болғанда, америка һөкүмәт органлири техиму мукәммәл болған тәкшүрүш доклати елан қилип, дөләт ичидики ясаш санаитидә сақланған кәмчиликләрни тепип чиқидикән вә буни һәл қилиш сиясәтлирини түзидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт