Bay nahiyesidiki kala férmisigha 10 mingdin artuq Uyghur ishqa orunlashqan

Muxbirimiz eziz
2022-01-25
Share

“Xitay xewerliri tori” ning yéqinqi xewiride éytilishiche, bay nahiyesi teweside qurulghan “Xu'aling kala férmisi uniwérsal gewdisi” ning da'irisi 90 ming mo (texminen 15 ming géktar) kélidighan bolup, bu jaygha on mingdin artuq Uyghur “Éshinche emgek küchliri” ishqa orunlashqan.

Xewerde éytilishiche, xu'aling kala férmisining diréktori li jünping ehwal tonushturup, bu qurulushning 2020-yili bashlan'ghanliqini, buninggha töt yérim milyard som (texminen 700 milyon amérika dolliri) meblegh sélin'ghanliqini, hazir bu jayda on mingdin artuq kala béqiliwatqanliqini éytqan. Béqiliwatqan kala sani we ishqa orunlashqan adem sani otturisidiki perqqe asasen nöwette bu férmida bashqa haywanlarningmu béqilidighanliqi texmin qilinmaqta iken. Shuning bilen birge bu férmigha ishqa orunlashqan on mingdin artuq kishining lagér mehbusliri yaki bashqa jaylardin toplan'ghan namrat déhqanlar ikenliki toghrisidimu köpligen gumanlar mewjut iken.

Xitay hökümiti ötken yillardin tartip Uyghur diyarini xitayning eng chong baqmichiliq makanigha aylanduridighanliqi heqqide söz qilip kéliwatqan bolup, ijtima'iy taratqularda Uyghurlarning choshqa béqiwatqanliqi heqqidiki uchurlar keng tarqalghan idi. Bu xil ghayet zor kölemlik férmining süt we gösh pishshiqlap ishlesh jeryanida shu jayning muhitini qaysi derijide weyran qilidighanliqi bolsa buningdiki yene bir muhim so'al hésablinidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet