Генерал ванес: "хитай вә русийәгә қарши бүйүк истратегийә бәрпа қилишимиз лазим!"
Канада армийәсиниң муавин баш қомандани, генерал җонасан ванес йеқинда русийә вә хитайниң дуня сәһнисидики күч селиштурмисида йеңи рәқибләрдин болуп қалидиғанлиқини алаһидә әскәртип, канада һөкүмитиниңму бу икки дөләткә қарита бүйүк истратегийә бәрпа қилип чиқиши лазимлиқини тәкитлиди.
"йәр шари почтиси" гезитиниң 11-январдики хәвиридә ейтилишичә, генерал ванес бу һәқтә қилған сөзидә "нөвәттә биз дуч келиватқан һәқиқий хәтәр хитай вә росийәдин келиду. Әмма бизниң һазирғичә буниңға қарши бирәр мукәммәл тәйярлиқимиз йоқ болуватиду" дегән. Болупму америка һөкүмити һәрқайси җайларда турушлуқ һәрбий қисимлирини чекиндүрүп чиқип кәткәндин кейин ғәрб дөләтлири буниңдин бәкла әндишигә чүшкән. Әмма йеңидин сайланған америка президенти җов байдин хитай вә русийә билән болған җиддийликкә тақабил туруш үчүн өзиниң иттипақдашлири билән болған мунасивитини йеңилайдиғанлиқини билдүргән. Генерал ванес мушу әһвалларни омумлаштуруп "ғәрб дуняси җәзмән хитайниң зор көләмлик кеңәймичиликигә қарита бир бүйүк истратегийә бәрпа қилиши лазим" дегән.
Хәвәрә ейтилишичә, генерал ванес хитай һөкүмитини һазирчә тәйвәнгә һуҗум қилиш еһтималлиқи йоқ, дәп қарисиму, ғәрб дунясини хитай растинила тәйвәнгә һуҗум қилса буниң бәдили еғир болидиғанлиқини һес қилғудәк бир пиланға игә болуши керәк, дәп қарайдикән. Шуниңдәк "хуавей ширкити" ниң G5 техникисини канадаға елип киришигә қәтий қарши туридиғанлиқини ашкара тәкитлигән.
- Америкилиқ мухбир әмиля паң: "мән уйғурлуқумни кечикип һес қилдим"
- Бир нативан иди, қәһриман болди
- Арафат әркин: "дадам мәҗбурий сөзлитилгән, хош болғиним у техи һаяткән"
- Ширзат бавдун билән "миллий мустәқиллиқни пиланлиған" лиқи ейтилған таһир аббас: "ширзат бавудун билән һечқачан көрүшүп бақмидим"
- Адриян зенз: хитайниң гүлчеһрәни терорлуққа четип әйиблиши диққәт қозғашқа тегишлик йеңи тәрәққият
