Xitay hökümiti kanada puqrasi kewin garétning "Qanun boyiche" qoyup bérilgenlikini bildürdi

Muxbirimiz erkin
2016-09-16
Share

Xitay hökümiti buningdin ikki yil awwal jasusluq bilen eyiblinip qolgha élin'ghan kanada puqrasi kewin garétning "Qanun boyiche" qoyup bérilgenlikini bildürdi.

Xitay tashqi ishlar ministirliqining jüme küni birleshme agéntliqigha bildürüshiche, kewin garétning "Barliq qanuniy hoquqlirigha toluq kapaletlik qilin'ghan, kanada terepning diplomatik mulazimet hoquqigha toluq hörmet qilin'ghan hem emel qilin'ghan."

Kewin garét 2014‏-yili ayali juliye garét bilen xitayning shimaliy koréye chégrasidiki dendung shehiride qolgha élin'ghan. Uning ayali kapaletke qoyup bérilgen bolsimu, emma uning özi dawamliq tutup qélin'ghan idi.
Er-ayal garétlar 1984‏-yildin béri dendungda "Qehwexana" échip, shimali koréye musapirlirigha yardem qilip kelgen.

Xitay axbaratining ashkarilishiche, dendung sot mehkimisi seyshenbe küni uninggha höküm élan qilip, uning chégradin chiqip kétishige yol qoyushni buyrughan. Emma da'iriler, sotning qandaq höküm chiqarghanliqini ashkarilashni ret qilghan.

Kewin garétning kanada bash ministiri jastin térédoning yéqinda xitaygha qilghan ziyaritidin kéyinla qoyup bérilishi diqqet qozghidi. Térédo xitaygha seper qilish harpisida kanada kishilik hoquq teshkilatlirining xitay türmisidiki kewin garét, hüsenjan jélil qatarliq tutqunlarni qayturup kélish heqqidiki qattiq bésimigha uchrighan idi.

Kewin garétning a'ilisi peyshenbe küni bayanat élan qilip, "Garét a'ilisi uninggha köngül bölgen, uning üchün du'a qilghanlargha, shuning bilen birge, uning qoyup bérilishige küch chiqarghan her bir kishige rehmitini bildüridu" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet