Канададики черкавлар уйғур қирғинчилиқи һәққидә һөкүмәткә бесим пәйда қилмақта

Мухбиримиз әзиз
2021-08-03
Share

Хитай һөкүмитиниң уйғурларни бастуруш һәрикитини әйибләватқанлар арисида диний җамаәт барғансери муһим салмақни игилимәктә. Канададики "йәршари вә почта гезити" ниң 2-авғусттики хәвиридә ейтилишичә, нөвәттә канада тәвәсидә уйғур қирғинчилиқи барғансери көп кишиләргә мәлум болушқа башлиған. Нәтиҗидә йеқиндин буян һәрқайси җайлардики черкавлар канада һөкүмитини "уйғур қирғинчилиқи" ни етирап қилишқа чақириқ қилишни башливәткән.

Хәвәрдә ейтилишичә, черкавлардики диний җамаәт хитай һөкүмитиниң уйғурлардики диний етиқадни баһанә қилип уйғурларни террорлуқ вә әсәбийликкә бағлиши, шундақла лагерларға қамишидин бәкму ғәзәпләнгән. Хитай һөкүмитиниң "ислам динини хитайчилаштуруш" шоари болса уларға хитай һөкүмитиниң диний етиқадни йоқитиштәк һәқиқий ғәризини ашкарилап бәргән. Буниң билән һәрқайси җайларда черкавлар мусулманлар җамаити билән бирликтә мураҗиәтнамә тәйярлап канада һөкүмитигә әвәткән һәмдә уларни тезрәк "уйғур қирғинчилиқи" һәққидә қарар елишқа үндигән.

Мәлум болушичә, канада парламенти уйғур қирғинчилиқи һәққидә рәсмий қарар алған болсиму, бирақ һөкүмәт бу һәқтә техичә қарар чиқармиғаникән. Канада парламенти авам палатасиниң әзаси гарнет җенюс әпәнди бу һәқтә мухбирларниң зияритини қобул қилип "канада һөкүмитиниң уйғур қирғинчилиқини етирап қилишини қолға кәлтүрүш бизниң нөвәттики әң чоң вәзипимиз" дегән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт