Канада кеңәш палата әзаси уйғур мәҗбури әмгики сәвәблик канада парламинтида йеңи бир қанун лайиһәсини оттуриға қойған

Мухбиримиз нуриман
2021.11.26

Канаданиң “йәр шари вә почта” гезитиниң хәвиригә қариғанда, канада кеңәш палата әзаси лио хосакос 24-ноябир күни хитайниң уйғурларни мәҗбури әмгәккә селиватқанлиқи сәвәблик хитайниң уйғур районида ишләпчиқирилидиған мәһсулатлирини импорт қилишни чәкләш қанун лайиһәсини оттуриға қойған.

Лио хосакос оттуриға қойған лайиһәсидә таможна беҗиға түзитиш киргүзүп, “пүтүнләй яки қисмән уйғур районида ишләпчиқирилған таварларни импорт қилишни чәкләш” ни тәкитлигән. У йәнә хитайни уйғурларға қаритилған кишилик һоқуқ дәпсәндичилики билән әйиблигән.

У “дәвр гезити” гә бәргән зияритидә мундақ дегән: “бу қанун лайиһәси һөкүмитимизниң техиму күчлүк орунда туруп, хитай коммунист һакимийитигә дөлитимизниң кишилик һоқуқ дәпсәндичиликигә қарши туруштики қиммәт қаришини ипадиләштики муһим бир пурсәттур. Канада һечқандақ бир мәсилидә хитайға қаттиқ позитсийәдә болмиди, мәҗбурий әмгәккә қарши туруштики позитисйәсиму йитәрлик әмәс”.

Йеқинда канадада өткүзүлгән “хәлқаралиқ халифәкс хәвпсизлик кеңиши” дин ибарәт муһим йиғинға дуня уйғур қурултийиниң рәиси долқун әйса әпәндиму қатнашқан болуп, канада һөкүмитидин “уйғур ирқий қирғинчилиқи” ни етирап қилиш, уйғур мәҗбурий әмгикигә четишлиқ мәһсулатларниң канада базириға киришини чәкләш қатарлиқ муһим тәләпләрни оттуриға қойған иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.