Kanada parlamént ezaliri kanada hökümitini xitaygha qarshi "Magnétiskiy qanuni" ni ishqa sélishqa chaqirdi

Muxbirimiz irade
2019-12-11
Élxet
Pikir
Share
Print

Kanadaning ikki neper kéngesh palata ezasi kanada parlaméntida xitayning kishilik hoquq depsendichiliklirige qarita omumyüzlük tedbir élishini telep qilidighan qanun layihesi tonushturidighanliqini jakarlighan.

Sénator liyo xowsakos we sénator tanxayn'go qatarliq ikki neper kanada kéngesh palata ezasi bügün kanadadiki "Maklinis" namliq xewer torida maqale élan qilip, yuqiriqi qararini jakarlighan. Ular maqaliside xitay hökümitining kishilik hoquqqa qiliwatqan éghir depsendichilikining xongkongdiki démokratik namayishlarda we shundaqla Uyghurlargha qiliwatqan sistémiliq ziyankeshliklerde öz ipadisini tapqanliqini eskertken.

Sénatorlar kishilik hoquqqa hörmet qilishni özining tüpki prinsipi qilghan kanada hökümitining emdi bu zulumgha dawamliq süküt qilip tursa bolmaydighanliqini tekitligen.

Ular kanada hökümitining xitay bilen bolghan munasiwetlerde, bolupmu ikki neper kanada puqrasi xu'awéy shirkitining maliyege mes'ul bashliqi méng wénjuning kanadada tutup qélinishi sewebidin xitay hökümiti teripidin öch élish meqsitide qolgha élin'ghanda kanadaning yawash-yumshaq turup, xitaygha qarita qattiq pozitsiyede bolalmighanliqini tenqid qilghan.

Sénator liyo xowsakos we sénator tanxayn'go maqaliside kanada dölet mejlisning kanada hökümitini xelq'araliq mesililerdiki xataliqi tüpeylidin jazagha tartish hoquqi barliqini eskertken. Ular bu seweblik özlirining kanada parlaméntida kanada hökümitini xitay bilen bolghan munasiwetlerde prinsip boyiche ish körüshke bésim qilidighan qanun layihesini tonushturidighanliqini bildürgen.

Toluq bet