Хәлқара кәчүрүм тәшкилати хитайниң германийәдики әлчиханиси алдида паалийәт өткүзүп, хәйригүл ниязни қоюп беришни тәләп қилған

Мухбиримиз әркин
2021.11.02
Share on WhatsApp
Share on WhatsApp

Хәлқара кәчүрүм тәшкилати йеқинда хитайниң германийәдики әлчиханиси алдида паалийәт өткүзүп, 2017-йили тутқун қилинғандин бери һазирға қәдәр из-дерики болмиған саяһәт шеркити дериктори хәйригүл ниязниң из-дерикини беришни вә униң дәрһал қоюп берилишини тәләп қилған. Хәлқара кәчүрүм тәшкилатиниң германийә шөбиси орунлаштурған бу паалийәт, 28-өктәбир хәйригүл ниязниң дәл 36 яшқа киргән туғулған күни өткүзүлгән.

Хәлқара кәчүрүм тәшкилатиниң чақириқида қәйт қилинишичә, хәйригүл нияз 2017-йилдин бери уйғур аптоном районида тутқун қилинған бир милйондин артуқ тутқунниң бири икән. Чақириқта униң түркийәдә оқуп хитайға қайтқандин кейин саяһәт ширкити ачқанлиқи, бирақ ‍униң 2017-йили туюқсиз ғайиб болғанлиқи, чүнки униң хитай даирилири тәрипидин сәвәбсиз тутқун қилинғанлиқини билдүргән. Чақириқта ейтилишичә, униң һазир германийәдә яшайдиған иниси уни лагерда яки түрмидә, дәп гуман қилидиғанлиқи, чүнки униң чәт әлгә саяһәткә чиққанлиқи вә чәт әлдә оқуғанлиқини билдүргән.

Хәлқара кәчүрүм тәшкилати бу паалийәттә кишиләрни имзалиқ хәт йезишқа қатнишип, хитай даирилидин хәйригүл ниязни қоюп беришни тәләп қилишқа чақирған. Имзалиқ хәттә, уйғур елида халиғанчә тутқун қилинған мусулманларниң вәзийитидин әндишә қиливатқанлиқи, “хәлқарада етирап қилинған җинайәт садир қилғанлиқиға даир йетәрлик, ишәнчилик, қайил қиларлиқ дәлил-испат болмиғичә, хәйргүл нияз вә қанунсиз тутқун қилинған башқа барлиқ кишиләрни қоюп беришкә капаләтлик қилиши”, “тутуп туруш лагерлирини тақиши” тәләп қилинған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.