Xelq'ara kechürüm teshkilati xitayning gérmaniyediki elchixanisi aldida pa'aliyet ötküzüp, xeyrigül niyazni qoyup bérishni telep qilghan

Muxbirimiz erkin
2021.11.02
Share on WhatsApp
Share on WhatsApp

Xelq'ara kechürüm teshkilati yéqinda xitayning gérmaniyediki elchixanisi aldida pa'aliyet ötküzüp, 2017-yili tutqun qilin'ghandin béri hazirgha qeder iz-dériki bolmighan sayahet shérkiti dériktori xeyrigül niyazning iz-dérikini bérishni we uning derhal qoyup bérilishini telep qilghan. Xelq'ara kechürüm teshkilatining gérmaniye shöbisi orunlashturghan bu pa'aliyet, 28-öktebir xeyrigül niyazning del 36 yashqa kirgen tughulghan küni ötküzülgen.

Xelq'ara kechürüm teshkilatining chaqiriqida qeyt qilinishiche, xeyrigül niyaz 2017-yildin béri Uyghur aptonom rayonida tutqun qilin'ghan bir milyondin artuq tutqunning biri iken. Chaqiriqta uning türkiyede oqup xitaygha qaytqandin kéyin sayahet shirkiti achqanliqi, biraq ‍uning 2017-yili tuyuqsiz ghayib bolghanliqi, chünki uning xitay da'iriliri teripidin sewebsiz tutqun qilin'ghanliqini bildürgen. Chaqiriqta éytilishiche, uning hazir gérmaniyede yashaydighan inisi uni lagérda yaki türmide, dep guman qilidighanliqi, chünki uning chet elge sayahetke chiqqanliqi we chet elde oqughanliqini bildürgen.

Xelq'ara kechürüm teshkilati bu pa'aliyette kishilerni imzaliq xet yézishqa qatniship, xitay da'irilidin xeyrigül niyazni qoyup bérishni telep qilishqa chaqirghan. Imzaliq xette, Uyghur élida xalighanche tutqun qilin'ghan musulmanlarning weziyitidin endishe qiliwatqanliqi, “Xelq'arada étirap qilin'ghan jinayet sadir qilghanliqigha da'ir yéterlik, ishenchilik, qayil qilarliq delil-ispat bolmighiche, xeyrgül niyaz we qanunsiz tutqun qilin'ghan bashqa barliq kishilerni qoyup bérishke kapaletlik qilishi”, “Tutup turush lagérlirini taqishi” telep qilin'ghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.