Xelq'ara kechürüm teshkilati: “Hökümet tutqunlarning qoyup bérilgenlikige delil körsetsun”

Muxbirimiz erkin
2019.12.10
Share on WhatsApp
Share on WhatsApp

Xelq'ara kechürüm teshkilati bayanat élan qilip, Uyghur rayonidiki lagérlarda tutup turuluwatqan tutqunlar qoyup bérilgen bolsa, xitay hökümitining buning delil körsitishini telep qildi.

Mezkur teshkilatni 9‏-dékabir küni élan qilghan bayanati Uyghur aptonom rayonluq hökümet re'isi shöhret zakirning béyjingda axbarat élan qilip, “Kespiy terbiyelesh merkezliri” diki kursantlarning “Hemmisi oqush püttürdi” dégen sözige qarita élan qilin'ghan. Bayanatta, xelq'ara kechürüm teshkilatining sherqiy asiya rayoni ishlirigha mes'ul diréktori nikolas békilin, “Eger Uyghurlar we bashqa musulman az sanliq milletler yuqiri bésimliq bu tutqunlar lagérliridin qoyup bérilgen bolsa, xitay hökümitining buni ispatlash mes'uliyiti bar” dégen. Uning qeyt qilishiche, shöhret zakirning sözi “Bir ilgirileshtek qilsimu, lékin bu bekrek xitay teshwiqat mashinisining shinjangdiki qorqunchluq kishilik hoquq depsendichiliki xelq'araning téximu küchlük tenqidke duch kéliwatqanda diqqetni bashqa yaqqa burashqa urunuwatqanliqigha oxshaydiken”.

Bayanatta, eger xitay hökümiti buni ispatlimisa, démek “Muqim ishqa orunlashqan sabiq kursantlarning mejburiy emgekke sélin'ghan bolushi mumkinliki ilgiri sürülgen. Bayanatta yene, b d t ning Uyghur rayonida tekshürüsh élip bérishi, Uyghur a'ililerning chet'eldiki uruq-tughqanliri bilen alaqe qilishigha yol qoyulushi telep qilin'ghan. Uyghur aptonom rayonluq hökümetning re'isi shöhret zakir 9‏-dékabir chaqirilghan axbarat yighinida, “Kespiy terbiyelesh merkezliri” diki kursantlarning “Hemmisining oqush püttürüp”, “Muqim xizmet” ke orunlashqanliqi we oxshash yashawatqanliqi” ni ilgiri sürgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet