Amérika kéngesh palata ezasi marsha blekborén xitayni Uyghurlargha irqiy "Qirghinchiliq" élip bérish bilen eyibligen

Muxbirimiz erkin
2020-12-04
Share

Amérika kéngesh palata ezasi marsha blekborén xanim yawropada turushluq bir xitay hökümet axbarati muxbirining jinsiy haqaret hujumigha uchrighan. Blekborén uni irqchiliq bilen eyiblep, jinsiy haqaret qilghan "Xitay géziti" muxbirigha xitayning Uyghurlargha "Irqiy qirghinchiliq" yürgüzüwatqanliqini bildürgen. Belkborén 3-dékabir tiwittérda "Xitayning 5 ming yilliq aldamchiliq oghriliq tarixiy bar. Bezi nersiler hergiz özgermeydiken" dep uchur yollighan.

Lékin, "Xitay géziti" ning biryussélda turushluq yawropa ishxanisining mes'uli chén wéyxu'a uning sözige inkas yézip, blekborénni haqaretligen. U blekborénni "Irqchi", "Nadan" dep eyibligen we uninggha jinsiy haqarette bolghan. "Fédéralist" gézitining xewiride bildürülüshiche, blekborén xanim buninggha qarita bayanat élan qilip, "Tyen'enmén meydanidin Uyghur irqiy qirghinchiliqighiche xitay kompartiyesi nopus qetli'amining mutexessisi", "Amérika jinsiyetchi xitay kommunist qaraqchilirigha bash egmeydu" dep körsetken.

Bu, xitay hökümet axbarati we xadimlirining tunji qétim diplomatik edep-qa'ide, eqelliy axbarat exlaqini qayrip qoyup, xitayni tenqid qilghan gherb siyasiyonlirini haqaret qilishi emes. Xitay axbaratliri buningdin burunmu amérika tashqi ishlar ministiri mayk pompéyoni haqaret qilghan. "Fédéralist" gézitining xewiride, xitay kompartiyesining shinjangda milyonlighan Uyghurni lagérlargha qamap, ayallarni tughmas qilghanliqi we mejburiy emgekke séliwatqanliqi tekitlen'gen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet