Кәшмирдики һиндистан һәрбий базиси һуҗумға учрап 17 әскәр өлди

Мухбиримиз үмидвар
2016.09.18
Share on WhatsApp
Share on WhatsApp

Кәшмирдики қораллиқ гуруппилар йәкшәнбә күни таң сәһәрдә һиндистан армийисиниң шитабиға һуҗум қилип, 17 нәпәр һиндистан һәрбий хадиминиң өлүши вә 20 нәччә адәмниң ярилинишини кәлтүрүп чиқарған.

Нюйорк вақти гезитиниң хәвәр қилишичә, толуқ қоралланған төт адәм, йәкшәнбә күни сәһәрдә һиндистан контроллуқидики кәшмир штатиниң пайтәхти сиринагарниң ғәрбидики ури шәһиригә җайлашқан һиндистан армийиси, 12 - пиядиләр бригадисиниң базисиға бесип кирип, оқ чиқарған.

Икки тәрәп арисида етишиш йүз бәргән болуп, һиндистан тәрәп бу төт адәмни өлтүргән. Етишиш бир қанчә саәт давамлашқан болуп, һәтта партлаш авазлири аңланған.

Һиндистан һәрбий тәрәп һуҗумчиларниң пакистан тәрәптин киргәнликини билдүргән һәм бу өлтүрүлгән төт адәмдин башқа йәнә һуҗумчиларниң болуши мумкинликини пәрәз қилған. Мәзкур һиндистан һәрбий базиси пакистан чегрисиға йеқин орунға җайлашқан икән.

Һиндиистан баш министири моди бу вәқәни террорлуқ һуҗуми дәп қаттиқ әйибләп, һуҗумни пиланлиғучиларниң җазалинидиғанлиқини билдүргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт