Kishilik hoquq közitish teshkilati xitayni kishilik hoquqqa xilap qanunlarni bikar qilishqa chaqirdi

Muxbirimiz erkin
2016-03-04
Share


Kishilik hoquq közitish teshkilati 3 - féwral mektup élan qilip, xitay xelq qurultiyini xitayning ichki we xelq'arada kishilik hoquqni qoghdashqa buzghunchiliq qilidighan qanun, nizamlirini tüzitishke yaki bikar qilishqa chaqirdi.

Mezkur teshkilatning asiya ishlirigha mes'ul xadimi doktor sofiye réchardson xitay xelq qurultiyi re'isi jang déjyanggha yézilghan mektubida mundaq dégen: "Shi jinping re'islikke olturghandin buyan xitay hökümiti ipade erkinliki, tinch naraziliq heriketlirini we kishilik hoquq qoghdighuchilirini basturush toxtap qalmidi. Memliketlik xelq qurultiyining kishilik hoquqqa xilap qanunlarni her qandaq ret qilish herikiti pütkül xitayda xelqning ümidini kücheytidu."

Kishilik hoquq közitish teshkilati xitayni uning 2015 - yili maqullighan térrorluqqa qarshi turush qanuni bilen dölet bixeterlik qanuni, maqullinish aldidiki tor bixeterlik qanun layihesini xelq'ara qanun'gha maslashturushqa chaqirghan.

Uning chet'el teshkilatlirini bashqurush qanun layihesini ret qilishini, qamaqxanilarni bashqurush qa'idisi bilen jinayi ishlar qanunigha tüzitish kirgüzüshini, b d t ning puqraliq we siyasi heqler ehdinamisini maqullishini telep qilghan.

Kishilik hoquq közitish teshkilati mezkur mektubini xitay xelq qurultiyining 5 - féwral béyjingda bashlinidighan memliketlik yighini harpisida élan qildi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet