Америка авам палата әзаси сузан вайлд «уйғур кишилик һоқуқ қанун лайиһәси» ни тезрәк мақуллашқа чақирди

Мухбиримиз әркин
2019-05-10
Елхәт
Пикир
Share
Принт

Америка авма палата әзаси сузан вайлд 9‏-май күни авам палатасиниң омумий йиғинида сөзгә чиқип, америка кеңәш вә авам палаталирини «уйғур кишилик һоқуқ қанун лайиһәси» ни тезрәк мақуллашқа чақирған.

У милйонлиған уйғур вә башқа мусулманларниң диний етиқади вә миллити сәвәблик лагерларға қамалғанлиқи вә кәң көләмлик зәрбә бериш нишаниға айланғанлиқи шундақла уларниң тутқун қилинип тән җазасиға учраватқанлиқини тәкитләп, нөвәттә уйғурлар «инсанийәт тарихиниң әң зулмәтлик дәвридә яватқанлиқи» ни билдүргән.

Сузан вайлд сөзидә буниңға қарита дөләт мәҗлисидә ортақ һәрикәт елип бериливатқанлиқи, буниңдин өзиниң илһамлиниватқанлиқини билдүрүп, «шуңа мән рәһбәрләрниң ортақ уйғур қанун лайиһиси вә уйғур кишилик һоқуқ сиясити қанун лайиһисини комитетлардин өткүзүп, омуми мәҗлисниң аваз беришигә қоюшни, буниң билән униң авам палатасида мақуллинип, кеңәш палатасида мақуллишиға түрткә болушини вә имза қоюлуп қанунға айландурушни чақиримән» дегән. \

«Уйғур кишилик һоқуқ қанун лайиһиси» бу йилниң башлирида америка дөләт мәҗлисиниң авам вә кеңәш палаталирида бирла вақитта оттуриға қоюлған. Мәзкур қанун лайиһиси авам палатасида кристофир симит, том сузи қатарлиқ авам палата әзалири тәрипидин, кеңәш палатасида марку рубийо, баб мәнәндәз қатарлиқ кеңәш палата әзалири тәрипидин оттуриға қоюлған иди.

Сузан вайлд сөзиниң ахирида мундақ дегән: «мушундақ вақитларда қилинған һәрикәт арқилиқла биз ‹һәргиз қайта йүз бәрмәйду' дегән вәдимиздә туралаймиз. Һәммимиз баравәр туруп, көз алдимизда йүз бериватқан бир етник тазилашқа яқ дәп җаваб берәйли.»

Мәлум болушичә, нөвәттә мәзкур қанун лайиһәсигә 58 авам палата әзаси, 30 нәпәр кеңәш палата әзаси капаләтлик бәргән.

Пикирләр (0)
Share
Толуқ бәт