Kishilik hoquq pa'aliyetchiliri mustebit putin bilen shi jinpingning tokyo olimpék musabiqisi murasimigha qatnishishigha qarshi turghan

Muxbirimiz jewlan
2021-06-02
Share

Bu yil 7-ayda tokyoda ötküzülidighan xelq'ara olimpék musabiqisining künséri yéqinlap kélishige egiship, buninggha chétilidighan sehiye-saghlamliq we kishilik hoquq mesililiri yene otturigha qoyulghan.

Yéqinda kishilik hoquq pa'aliyetchiliri rusiye prézidénti putin bilen xitay re'isi shi jinpingni tokyo olimpék musabiqisining échilish murasimigha qatnishishini cheklesh üchün heriketke ötken bolup, xelq'ara olimpék komitétigha "Bu ikki rehimsiz diktatorning xelq'ara olimpék musabiqisi murasimigha qatnishishi dunya üchün nomus" dégen pikirni ilgiri süridighan bir telep sun'ghan.

Lentos kishilik hoquq we adalet fondi re'isi katrina lentos siwét "Washin'gton közetküchiliri géziti" ning ziyaritini qobul qilghanda mundaq dégen: "Olimpék musabiqisi alahide tenterbiye musabiqisi, milyonlighan insanlar gerche tenterbiye heweskarliri bolmisimu, olipmék yighinining heywetlik meydani ularni jelip qilidu. Rehimsiz diktatorlarning hemmisi bu yighinning échilish murasimini özliri üchün ghayet zor teshwiqat pursiti dep bilidu".

Uyghurlargha irqiy qirghinchiliq yürgüzüwatqan we shu sewebtin 2022-yil béyjing qishliq olimpék musabiqisini ötküzüsh mesiliside xelq'ara bésimgha uchrawatqan xitay, özini aqlash üchün béyjingda yighin achqan. Kishilik hoquq pa'aliyetchilirini qarishiche, künséri yéqinlap kéliwatqan tokyo olimpék musabiqisi melum jehettin éytqanda bir meydan kishilik hoquq kürishi musabiqisigha aylinip qalghan.

Xelq'ara olimpék komitétidikiler "Tenterbiyeni siyasigha arilashturmasliq" sho'arini towlawatqan bolup, katrina lentos siwétning qarishiche, bu komitétining siyasiyni olimpék musabiqisidin chetleshtürüshi melum jehettin éytqanda, eng nachar siyasiy teshwiqat üchün yol échip bergenlik iken.

Melumatlargha qarighanda, lentos fondi we bashqa kishilik hoquq fondi pa'aliyetchiliri xelq'ara olimpék musabiqisi komitétidin shi jinping, putin we bashqa 13 neper mustebitni xelq'ara olimpék musabiqisining échilish murasimigha qatnashturmasliqni telep qilghan. Ularning orni bosh qaldurulsa, kishiler u mustebitlerning kishilik hoquq depsendichiliki jinayitige téximu yaxshi diqqet qilidiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet