Xitaydiki kishilik hoquq aktipliri yilliq kishilik hoquq doklatini yézishqa qatnishishni telep qildi

Charshenbe küni xitaydiki bir qisim erzdar we kishilik hoquq aktipliri xitay tashqi ishlar ministirliqi aldida namayish qilip, xitayning yilliq kishilik hoquq doklatini yézishqa qatnishini telep qilghan.

BBC Da xewer qilishiche, bu nöwet namayishqa qatnashqan kishiler xitayning yilliq kishilik hoquq doklatidin hökümetningla menpe'et alidighanliqini, erzdarlargha oxshash xitaydiki kishilik hoquq siyasitining ziyankeshlikke uchrighuchilarning sadalirigha orun bérilmeydighanliqini, shunga yilliq doklat yazghanda erzdarlar we kishilik hoquq qoghdighuchiliridin toplan'ghan matériyallarning yilliq doklatning muhim menbesi bolushi kéreklikini telep qilghan.

U lar yene, yilliq kishilik hoquq doklatini yézishqa qatnashqan hökümetke organlirining tizimliki we ismini ochuq-ashkara élan qilishni telep qilghan.

Mezkur namayish künmingda 18- nöwetlik amérika- xitay kishilik hoquq di'alogi bashlan'ghan peytlerge toghra keldi.

Hazirche namayishning qandaq netijilen'genliki we namayishchilarning nöwettiki ehwali namelum.