Хәлқарадики он нәччә тәшкилат хәлқара җәмийәтни хитайниң кишилик һоқуқ дәпсәндичиликигә чарә қоллинишқа чақирди

Мухбиримиз әркин
2019-09-09
Share

Хәлқара кәчүрүм тәшкилати, хәлқара засидатиллар комитети, дуня уйғур қурултийи қатарлиқ он нәччә кишилик һоқуқ тәшкилати 9-сентәбир күни очуқ хәт елан қилип, хәлқара җәмийәтни хитайниң кишилик һоқуқ дәпсәндичиликигә қарши үнүмлүк чарә қоллинишқа чақирди.

Очуқ хәттә, хитайда кишилик һоқуқниң дәпсәндә қилиниши системилиқ реаллиқ икәнлики, кишилик һоқуқниң кәң көләмлик вә системилиқ дәпсәндә қилиниватқанлиқи б д т һөҗҗәтлиридә қәйт қилинғанлиқи әскәртилип, б д т ниң буниңға қарши үнүмлүк бир чарә-тәдбир қоллиниши, һәр қайси әл һөкүмәтлириниң хитай билән болған қанун билән башқуруш җәһәттики һәмкарлиқини тохтитиши керәклики тәкитләнгән.

Очуқ хәттә, бу йил 6‏-айда 20 нәччә дөләтниң б д т кишилик һоқуқ комиссари вә кишилик һоқуқ кеңиши президентини хитайниң "қайта-тәрбийәләш лагерлири" ни ишқа селип, уйғур вә башқа мусулманларни нишанға алғанлиқи тоғрисида агаһландурғанлиқи, шундақла хитайдин тез, мустәқил вә чәклимисиз тәкшүрүш елип беришни тәләп қилған болсиму, лекин хитайниң буни рәт қилғанлиқи тәкитләнгән.

Очуқ хәттә йәнә, хитай һөкүмитиниң охшимиған қарашларни террорлуқ, ағдурмичилиқ вә дөләт бихәтәрликигә тәһдит, дәп характерләндүрүп, уйғур вә тибәтләрни бастурушта қолланған тактикилирини әмди хоңкоңда ишлитиватқанлиқи билдүрүлгән. Очуқ хәттә қәйт қилинишичә, хәлқара җәмийәт болупму б д т кишилик һоқуқ кеңиши хитай һөкүмитиниң кишилик һоқуқ дәпсәндичиликигә учриған шаһитларни қоллиши, мумкин болған барлиқ чариләрни ишқа селип, униңға кишилик һоқуқ мәҗбурийитини ада қилиш һәққидә бесим ишлитиши керәклики көрситилгән. Очуқ хәттә йәнә, һәр қайси әл һөкүмәтлириниң хитай һөкүмити б д т кишилик һоқуқ механизминиң алақидар тәвсийәлирини иҗра қилмиғучә униң билән болған қанун саһәсидики һәмкарлиқини тохтитиши керәклики тәкитләнгән. Мәзкур очуқ хәт б д т кишилик һоқуқ кеңишиниң 42‏-нөвәтлик йиғини башланған күни елан қилинди. Мәлум болушичә, мәзкур йиғин 27‏-сентәбиргә қәдәр давам қилидикән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт