Кишилик һоқуқ адвокатлири хитайниң 2020-йиллиқ қишлиқ олимпек мусабиқисини өткүзүшигә давамлиқ қарши турмақта

Мухбиримиз җәвлан
2020-11-12
Share

11-Ноябир "дипломат" торида тибәт, уйғур, хоңкоң вә хитай кишилик һоқуқ мәсилиси адвокатлириниң хәлқара олимпек комитетини хитайниң 2020-йиллиқ қишлиқ олимпек мусабиқисини өткүзүшини әмәлдин қалдурушқа чақирғанлиқи һәққидики мақалиси елан қилинған. Униңда ейтилишичә, бу адвокатлар хәлқара олимпек комитети вәкили билән көрүшүп, коммунист хитай һөкүмити йиллардин буян елип бериватқан қәбиһ җинайәтләрни испатлири билән оттуриға қоюп, хәлқара олимпек комитетини хәлқара кишилик һоқуқни қоғдаш үчүн һәрикәткә өтүшкә вә 2020-йил хитайда өткүзүлидиған қишлиқ олимпек мусабиқисини әмәлдин қалдурушқа чақирған.

Хәлқара олимпек комитетиниң вәкили адвокатларниң сөзидин гәрчә тәсирләнгәндәк қилсиму, ениқ ипадә билдүрмигән. Адвокатларниң һес қилишичә, хәлқара олимпек комитети бу мәсилигә давамлиқ сәл қарап, "сиясийни тәнтәрбийә мусабиқисигә арилаштурмаслиқ" гепини йорғилитип, инсанийәткә қарши җинайәт өткүзүватқан хитайниң бу мусабиқини өткүзүшигә йол қоюши мумкин икән.

Мақалидә көрситилишичә, 1936-йил олимпек мусабиқисини берлинда өткүзгән натсиситлар германийәсигә охшаш, 2008-йил хәлқара олимпек мусабиқиси өткүзгән коммунист хитай һөкүмити бу мусабиқини көз боямчилиқ тәшвиқати үчүн ишләткән һәмдә бу мусабиқини баһанә қилип зораванлиқ сиясити йүргүзгән.

Нөвәттә 2022-йиллиқ қишлиқ олимпек мусабиқисиға көп вақит қалмиған болсиму, олимпек комитетиниң бу хата қарардин йениши үчүн йәнә пурсәт бар икән. Мақалиниң ахирида, "мәзкур комитет ‹олимпек асасий қануни' вә ‹инсанийәтниң шан-шәрипини қоғдаш' принсипи бойичә олимпек сәһниси арқилиқ инсанларға бәхт яритамду яки дунядики әң қәбиһ, әң зораван һакимийәтни қоллап, бир мәйдан ‹ирқий қирғинчилиқ тәнһәрикәт йиғини' өткүзүш арқилиқ инсанийәтниң шан-шәрипи вә әркинликини бастурамду?" дәп соал қоюлған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт