Kishilik hoquq adwokatliri xitayning 2020-yilliq qishliq olimpék musabiqisini ötküzüshige dawamliq qarshi turmaqta

Muxbirimiz jewlan
2020-11-12
Share

11-Noyabir "Diplomat" torida tibet, Uyghur, xongkong we xitay kishilik hoquq mesilisi adwokatlirining xelq'ara olimpék komitétini xitayning 2020-yilliq qishliq olimpék musabiqisini ötküzüshini emeldin qaldurushqa chaqirghanliqi heqqidiki maqalisi élan qilin'ghan. Uningda éytilishiche, bu adwokatlar xelq'ara olimpék komitéti wekili bilen körüshüp, kommunist xitay hökümiti yillardin buyan élip bériwatqan qebih jinayetlerni ispatliri bilen otturigha qoyup, xelq'ara olimpék komitétini xelq'ara kishilik hoquqni qoghdash üchün heriketke ötüshke we 2020-yil xitayda ötküzülidighan qishliq olimpék musabiqisini emeldin qaldurushqa chaqirghan.

Xelq'ara olimpék komitétining wekili adwokatlarning sözidin gerche tesirlen'gendek qilsimu, éniq ipade bildürmigen. Adwokatlarning hés qilishiche, xelq'ara olimpék komitéti bu mesilige dawamliq sel qarap, "Siyasiyni tenterbiye musabiqisige arilashturmasliq" gépini yorghilitip, insaniyetke qarshi jinayet ötküzüwatqan xitayning bu musabiqini ötküzüshige yol qoyushi mumkin iken.

Maqalide körsitilishiche, 1936-yil olimpék musabiqisini bérlinda ötküzgen natsisitlar gérmaniyesige oxshash, 2008-yil xelq'ara olimpék musabiqisi ötküzgen kommunist xitay hökümiti bu musabiqini köz boyamchiliq teshwiqati üchün ishletken hemde bu musabiqini bahane qilip zorawanliq siyasiti yürgüzgen.

Nöwette 2022-yilliq qishliq olimpék musabiqisigha köp waqit qalmighan bolsimu, olimpék komitétining bu xata qarardin yénishi üchün yene purset bar iken. Maqalining axirida, "Mezkur komitét 'olimpék asasiy qanuni' we 'insaniyetning shan-sheripini qoghdash' prinsipi boyiche olimpék sehnisi arqiliq insanlargha bext yaritamdu yaki dunyadiki eng qebih, eng zorawan hakimiyetni qollap, bir meydan 'irqiy qirghinchiliq tenheriket yighini' ötküzüsh arqiliq insaniyetning shan-sheripi we erkinlikini basturamdu?" dep so'al qoyulghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet