Kishilik hoquq teshkilatliri "Uyghur mejburiy emgikini cheklesh qanun layihesi" ning maqullinishi mumkinlikini bildürgen

Muxbirimiz erkin
2020-12-07
Share

Kishilik hoquq teshkilatliri amérika kéngesh palatasining zor éhtimalliq bilen "Uyghur mejburiy emgikini cheklesh qanun layihisi" ni maqullishi mümkinlikini bildurgen. "Soda ichki uchurliri" torining xewer qilishiche, amérika dölet mejlisidiki xadimlar qanun layihesining kéngesh palatasida maqullinip, tramp yaki baydén hökümiti dewride qanun'gha aylinishi mumkinlikini ilgiri sürgen. Xewerde yene kishilik hoquq teshkilatlirining qanun layihisi kéngesh palatasida maqullinishi üchün yéterlik awazgha ige, dep korsetkenliki tekitlen'gen.

Xewerde tekitlinishiche, amérikadiki "Ishchilar hoquqi birleshmisi" ning diréktori skot nowa "Soda ichki uchurliri" gha söz qilip, "Bu qanun'gha qarshi turidighan dölet mejlisi ezalirining sanaqliq bir qanche kishi" ikenlikini bildürgen. Bu qanun lahiyesi bu yil 9-ayda awam palatasida 3 ke qarshi 406 awaz bilen maqullinip, kéngesh palatasigha sunulghan. Qanun layiheside shirketlerning Uyghur élide ishlepchirilghan mehsulatlarni import qilishi üchün uning mejburi emgekke chétilmighanliqini ispatlishi telep qilin'ghan.

Yéqinda "Nyu-york waqti" géziti bezi chong shirketlerning lobiychilar, yeni dellallarni yallap, amérika dölet mejliside bu qanun'gha qarshi heriket élip barghanliqini ilgiri sürgen. "Soda ichki uchurliri" ning tekitlishiche, skot nowa "Bu qanun layihesini ajizlitishqa tirishiwatqan shirketler özlirining bundaq ispat körsitelmeydighanliqigha ishinidu" dégen. Yéqinda Uyghur kishilik hoquq qurulushining tashqi ishlar diréktori lu'isa gréwé qanun layihisining mushu ay ichide maqullinishida ümid barliqini bildürgenidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet