Kishilik hoquq teshkilatliri xelqara olimpik komitétining néme üchün xitaygha yol qoyudighanliqigha chüshenche bérishini telep qildi

Muxbirimiz erkin
2020-12-18
Share

Uyghur, tibet, xongkong we xitay kishilik hoquq teshkilatliri xelq'ara olimpik komitétining rehberlirige mektup yézip, xitayning kishilik hoquq depsendichilikini néme üchün kormeske salidighanliqigha chüshenche bérishni telep qilghan. Mektupta tekitlishiche, bélurusiye emeldarlirigha tinch namayishchilarni urghan, ten jazasi bergen, tutqun qilghanliqi üchün imbargo yürgüzgen xelqara olimpik komitéti "Olimpikni siyasiylashturmasliq" namida xitayning milyonlighan Uyghur, tibet, mongghol, xongkongluq we xitay puqralirini tutqun qilishigha köz yummaqta iken.

Mektupta xelq'ara olimpik komitétining bu ré'alliqni körmeske sélip kelgenliki tenqidlinip: "Biz buning sewebini bilishni telep qilimiz," diyilgen. Bu mektupni dunya Uyghur qurultiyi, erkin tibet oqughuchilar herkiti, xitayda ölüm jazasigha qarshi turush teshkilati, xelq'ara tibet tori we biz xongkongluqlar teshkilati qatarliq 5 teshkilat birlikte yazghan. Buning aldida dunyadiki 100 din artuq teshkilat xelq'ara olimpik komitétigha mektup yézip, uning 2022-yilliq béyjing qishliq olimpik musabiqisini közdin kechürüshini telep qilghan.

Bu 5 teshkilat bu yil 6-öktebirde yuqiriqi teshkilatlargha wakaleten xelq'ara olimpik komitétining rehberliri bilen körüshüp, kishilik hoquq mesilisini sözleshken idi. Lékin mektupta tekitlishiche, eyni chaghda olimpik komitéti béyjingning qishliq olimpik musabiqisi üchün bergen kishilik hoquq wedilirini ijra qilish ehwalini ular bilen ortaqlishidighanliqini bildürgen bolsimu, emma hazirghiche héchqandaq uchur bermigen. Mektupta xelq'ara olimpik komitétining bu jehettiki bahalash doklatini "Biz bilen derhal ortaqlishishini telep qilimiz," déyilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet