Австралийә “магнитиски кишилик һоқуқ қануни” мақуллайдиғанлиқини елан қилған

Мухбиримиз әркин
2021-08-06
Share

Австралийә ташқи ишлар министири мәриса пейин австралийәниң америкаға охшаш “магнитиский кишилик һоқуқ қануни” мақуллап, кишилик һоқуқни дәпсәндә қилғучиларни җавабкарлиққа тартидиғанлиқини елан қилған. Ройтерс агентлиқиниң хәвәр қилишичә, мәриса пәйин 5-авғуст елан қилған бу һәқтики баянатида, бу қанун “хәлқара әндишә қозғиған қорқунчлуқ һәрикәтләрни садир қилғучилар” ға қарита нишанлиқ пул-муамилә и‍мбаргоси вә саяһәт чәклимиси қоюш имканийитигә игә қилидиғанлиқини билдүргән.

Көзәткүчиләрниң ейтишичә, мәриса пейин хитайни тилға алмиған болсиму, бирақ бу қанунниң хитайға қаритилиш еһтималлиқи зор икән. Бу йил 3-айда америка, явропа иттипақи, әнглийә, канада қатарлиқ дөләтләр хитайниң уйғурларни хорлишида актип рол ойниған бәзи хитай әмәлдарлирини җазалиған. Ройтерс агентлиқиниң билдүрүшичә, австралийә өзиниң қанунини ислаһ қилип, имбарго көлимини кеңәйтидикән шундақла бу йилниң ахирлириға қәдәр конкрет қандақ җаза тәдбирлирини йүргүзүшни бекитидикән.

Мәриса пәйин 5-авғуст елан қилған баянатида йәнә бу қанун арқилиқ “австралийә қандақ җайда йүз бәрсә бәрсун конкрет бир дөләт һакимийитини нишан қилмиған асаста җазалашқа тегишлик һәрикәтләрдә болған шәхс вә аппаратларға қарита нишанлиқ пул-муамилә җазаси вә саяһәт ембаргоси йүргүзүшкә қадир болиду” дегән. Австралийәдики уйғур тәшкилатлири австралийә һөкүмитини қанун чиқирип, хитайниң уйғур елидики “ирқий қирғинчилиқи” ни етирап қилишқа вә “ирқий қирғинчилиқ” та рол ойниған хитай әмәлдарлирини җавабкарлиққа тартишқа чақирип кәлгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт